Гомельскі стрымер Андрэй Бурым (Mellstroy) у жывым эфіры збіў дзяўчыну. Сведкамі інцыдэнту сталі сотні людзей. Хлопец выдаліў стрым, але было ўжо позна — запіс паспеў разляцецца па сетцы, паведамляюць Моцныя навіны.
Падчас стрыму ў Андрэя Бурыма [ён жыве ў Маскве] завязаўся канфлікт з блогеркай Аленай Яфрэмавай, на якую падпісана больш за 17 тысяч чалавек. Бурым вырашыў праблему «па-мужчынску» — схапіў дзяўчыну за шыю і некалькі разоў ударыў тварам аб стол.
Па словах Алены, Mellstroy разбіў ёй вусны і зламаў брэкеты.
«Гэты чалавек псіхічна неўраўнаважаны і можа прынесці сур'ёзны фізічны ўрон здароўю. Я ведаю, што падобныя сітуацыі адбываліся і на ім вісіць адміністрацыйная адказнасць», — напісала яна ў Instagram.
Цяпер чытаюць
«Часцей за ўсё жучок ставяць недалёка ад разетак». Як сілавікі праслухоўваюць беларусаў па тэлефоне і ў кватэрах12
Каментары