Пазняк запісаў гутарку з палітзняволенай. А яна дамаглася, каб відэа выдалілі з ютуба
У жніўні 2024-га былая палітзняволеная Мія Міткевіч паўдзельнічала ў запісе гутаркі з Зянонам Пазняком. Хутка пасля гэтага дзяўчына падала скаргу, і відэа выдалілі з ютуба. Навошта яна гэта зрабіла?
У відэа, пра якое ідзе гаворка, Мія расказвала Пазняку пра сваё зняволенне ў жаночай калоніі і ўмовы, створаныя там для палітзняволеных. Гаварылі таксама пра настроі ў калоніі і тое, якім чынам трэба працаваць на вызваленне палітвязняў.
Размова насамрэч была спецыфічная. Міі Міткевіч было відавочна няпроста фармуляваць думкі па-беларуску, а Пазняк накіроўваў яе сваімі пытаннямі і каментарамі да патрэбнай яму высновы. І ў канцы, калі ўжо выціснуў патрэбнае, заявіў: ну вось бачыце, гэта кажуць самі былыя палітвязні.
Зрэшты, цяпер роліка ўжо няма на ютубе. Калі прайсці па спасылцы на старонку, дзе ён раней знаходзіўся, можна ўбачыць тэкст, што відэа нельга глядзець праз скаргу на парушэнне аўтарскіх правоў ад Міі Міткевіч. Выдалілі відэа і з тэлеграм-канала выдання Warta, якое яго і апублікавала ў свой час.
Мія пацвердзіла «Нашай Ніве», што насамрэч напісала тую скаргу, і зрабіла яна гэта яшчэ ў 2024-м. Вось што яе прымусіла:
«Я думала, што «Вольнай Беларусі» на чале з Пазняком можна давяраць, можна з імі камунікаваць і спрабаваць нешта зрабіць супраць сістэмы Лукашэнкі. Але я вельмі моцна памылялася.
Я магу вытрымаць усё, але я ненавіджу, калі мяне выкарыстоўваюць, прычым робяць гэта ў сваіх незразумелых мэтах. Чалавек дазваляў сабе занадта шмат».
Мія расказвае, што перад сустрэчай з Пазняком дамова была пагутарыць і пра калонію, і пра беларускую ўладу, але ў рэальнасці выйшла па-іншаму — палітык выкарыстоўваў яе словы так, як патрэбна яму. Жанчына падкрэслівае, што нікому не дазволіць сябе выкарыстоўваць, а калі ўжо так атрымалася, паспрабуе змякчыць сітуацыю для сябе.
Мія ўспамінае, што пры сустрэчы адчувала — Пазняк да яе ставіцца напружана. Ёй вельмі не спадабалася стаўленне палітыка да яшчэ адной палітзняволенай:
«Яго выказванне пра Машу Калеснікаву мяне канчаткова адвярнула ад яго. Калі ў яго такое меркаванне пра чалавека, якому лупанулі 12 гадоў… Прычым яна не можа нават абараніць сябе, таму што яна сядзіць. Гэта было для мяне апошняй кропляй.
[…] Разумею, што ў кожнага сваё меркаванне. Я прасіла яго памочніцу, каб яна яму нейкім чынам патлумачыла, што так не робіцца. Нельга зневажаць чалавека, які цяпер знаходзіцца пад жорсткім ціскам і не можа сябе абараніць. І я ўвогуле не разумею, як мужчына можа казаць пра жанчыну, што яна ніхто і нішто».
«Наша Нiва» — бастыён беларушчыны
ПАДТРЫМАЦЬЦяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары
Шкада людзей, якія прайшлі праз пакуты, але анічога не зразумелі. І Зянон Пазьняк у гэтым не вінаваты. У яго таксама хапае ўласных памылак.