СМІ раскрылі просты і рэалістычны план, як Трамп зможа заставацца прэзідэнтам ЗША да 2037 года
«Спосаб для Трампа перавыбрацца на трэці тэрмін і патэнцыйна на чацвёрты — да студзеня 2037 года, калі яму будзе 90 гадоў, — не толькі магчымы, але і просты».
«Субота, 20 студзеня 2029 г., апоўдні ў Вашынгтоне. Дзень інаўгурацыі. Барадаты мужчына выходзіць наперад перад Капітоліем ЗША і падымае правую руку, кладучы левую на Біблію.
«Я, Джэймс Дэвід Вэнс, урачыста клянуся…»
Некалькі хвілін пазней новы прэзідэнт Злучаных Штатаў з усмешкай абвяшчае: «Я падаю ў адстаўку».
Ягоны напарнік абдымае яго мядзведжымі абдымкамі. Стотысячны натоўп выбухае крыкамі «Трамп, Трамп, Трамп» і «Яшчэ чатыры гады».
Дональд Трамп стаў прэзідэнтам у трэці раз».
Такі сцэнар, які апісвае Daily Mail, падаецца фантазіяй, бо 22-я папраўка Канстытуцыі абмяжоўвае прэзідэнтаў двума тэрмінамі.
Але ці можа адбыцца сцэнар, калі Трамп застанецца ў Белым доме пасля гэтага? Дзіўны адказ некаторых экспертаў — так.
Прэзідэнт ЗША Дональд Трамп можа заставацца на сваёй пасадзе аж да 2037 года, піша брытанская газета Daily Mail са спасылкай на экспертаў.
«Спосаб для Трампа перавыбрацца на трэці тэрмін — і патэнцыйна на чацвёрты да студзеня 2037 года, калі яму будзе 90 гадоў, — не толькі магчымы, але і просты дзякуючы абуральнай шчыліне ў папраўцы», — гаворыцца ў артыкуле.
Многае залежыць ад таго, як будзе тлумачыцца слова «абранне» ў 22-й папраўцы, а таксама ад лаяльнасці віцэ-прэзідэнта Джэй Дзі Вэнса.
Ключавая фраза ў папраўцы — «Ніхто не можа абірацца на пасаду прэзідэнта больш за два разы…»
Сцвярджаецца, што гэта азначае, што двойчы абранаму прэзідэнту не будзе забаронена пазней зноў заняць пасаду з-за адстаўкі або смерці іншага прэзідэнта.
Пасля прынясення прысягі Вэнс можа пайсці ў адстаўку, дазволіўшы свайму віцэ-прэзідэнту Трампу ўвайсці ў офіс.
Адна і тая ж працэдура можа выкарыстоўвацца на некалькіх выбарах.
Каб выйграць чацвёрты тэрмін, Трампу проста трэба было б пайсці з пасады прэзідэнта да выбараў 2032 года і стаць напарнікам намінальнага кандыдата ў прэзідэнты, будзе гэта Вэнс ці хто-небудзь іншы.
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
[Зрэдагавана]