Турцыя з 8 красавіка часова спыняе экспарт лімонаў з-за неспрыяльных умоў надвор'я ў раёнах збору ўраджаю, піша РБК.
Паводле інфармацыі турэцкага Мінгандлю, нядаўнія замаразкі закранулі міжземнаморскія правінцыі Адана, Мерсін і Хатай.
Прыпыненне паставак была ўзгоднена з Міністэрствам сельскай і лясной гаспадаркі, а ў выпадку неабходнасці могуць быць уведзеныя і дадатковыя меры. Рашэнне накіравана на абарону ўнутранага попыту і забеспячэнне харчовай бяспекі ў краіне.
Паводле даных Асацыяцыі экспарцёраў Міжземнамор'я, у 2024 годзе Турцыя экспартавала 1,639 мільёна тон цытрусавых, што прынесла краіне $1,046 мільярда прыбытку.
Галоўны пакупнік турэцкіх лімонаў — Расія, якая ў мінулым годзе набыла іх на $375 мільёнаў даляраў. За ёй ідуць Ірак ($197 млн), Украіна ($108 млн), Румынія ($49 млн) і Польшча ($48 млн).
Прыпыненне экспарту лімонаў, верагодна, закране і беларускія крамы. Як высветліў Office Life, у буйных гандлёвых сетках прадстаўленыя лімоны ў тым ліку з Турцыі. Пры гэтым буйныя дастаўкі ўвогуле прапануюць замовіць замест лімонаў лайм.
Цяпер чытаюць
Беларусы горача спрачаюцца, ці варта прывязваць дапамогу на дзіця да заробку маці30
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары