Зяленскі звольніў кіраўніка Сумскай ваеннай адміністрацыі з-за ўзнагароджання вайскоўцаў у Сумах 13 красавіка
Рашэнне прэзідэнта Украіны аб звальненні Уладзіміра Арцюха было зацверджана парламентам, паведамляе «Суспiльне».
Гэтую інфармацыю пацвердзіў пастаянны прадстаўнік урада Украіны ў Вярхоўнай Радзе Тарас Мельнічук.
Напярэдадні мэр Канатопа Сумскай вобласці Арцём Семяніхін распавядаў, што 13 красавіка падчас расійскай атакі ў Сумах узнагароджвалі вайскоўцаў з 117-й брыгады тэрытарыяльнай абароны УСУ.
Семяніхін сцвярджаў, што мерапрыемства было ўзгоднена з кіраўніком АВА. Сам Уладзімір Арцюх заявіў, што ён не арганізоўваў мерапрыемства, а быў запрошаным госцем.
Нагадаем, што ў Вербную нядзелю 13 красавіка Расія ўдарыла па Сумах, загінулі 35 чалавек, некалькіх дзясяткаў параненыя.
У Мінабароны РФ заявілі, што цэллю ўдару па Сумах былі ўкраінскія вайскоўцы.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1919
Каментары