ЗША збіраюцца адправіць агентаў ICE для аховы парадку на Алімпіядзе ў Італіі. Італьянцы абураныя
У Італіі рашэнне ўладаў ЗША накіраваць супрацоўнікаў Іміграцыйнай і мытнай службы (ICE) для ўдзелу ў гарантаванні бяспекі на Зімовых Алімпійскіх гульнях, якія адбудуцца ў лютым у Мілане і Карціне-д’Ампецца, у многіх выклікала абурэнне, піша CNN.
Дзейныя і былыя італьянскія палітыкі заклікалі прэм’ер-міністарку Джорджу Мелоні ўмяшацца і не дапусціць прысутнасці агентаў ICE, асабліва на фоне двух смяротных інцыдэнтаў падчас іміграцыйных рэйдаў у Мінеапалісе.
Міністэрства ўнутранай бяспекі ЗША пацвердзіла, што ICE сапраўды будзе задзейнічана, аднак падкрэсліла: гаворка ідзе не пра іміграцыйны кантроль, а пра дапаможную ролю ў сістэме бяспекі.
Супрацоўнікі ICE збіраюцца падтрымліваць дыпламатычную службу бяспекі ЗША і працаваць у каардынацыі з італьянскім бокам, пры гэтым усе аперацыі застануцца пад кантролем уладаў Італіі. У Рыме таксама ўдакладнілі, што на Гульнях будуць прысутнічаць толькі следчыя падраздзяленні ICE, а не аператыўныя сілы, і яны не будуць працаваць «на вуліцах».
Нягледзячы на гэтыя тлумачэнні, крытыка не сціхае. Міністр замежных спраў Антоніа Таяні паспрабаваў супакоіць калег, заявіўшы, што агенты ICE не будуць займацца аховай грамадскага парадку, а толькі супрацоўнічаць у аператыўных штабах і ў сферы антытэрарыстычнай бяспекі.
Аднак былы прэм’ер-міністр Італіі Джузэпэ Контэ рэзка выступіў супраць, заклікаўшы ўрад «вызначыць уласныя межы» і не дапусціць удзелу структуры, якая, на яго думку, скампраметавала сябе гвалтам у ЗША.
Мэр Мілана Джузэпэ Сала заявіў, што горад не мае патрэбы ў ICE і што такія структуры «не вітаюцца» ў Мілане. Ён назваў ICE «паліцыяй, якая забівае», і выказаў сумнеў у адпаведнасці яе дзеянняў дэмакратычным стандартам бяспекі.
Да крытыкі далучыліся і іншыя палітыкі, якія заяўляюць, што агенты ICE не павінны з’яўляцца на тэрыторыі Італіі. Італьянскія СМІ пішуць пра петыцыі і пратэсты, выкліканыя асцярогамі адносна паўнамоцтваў і метадаў гэтай службы.
Некаторыя грамадзяне ЗША, што жывуць у Мілане, таксама выказалі здзіўленне і занепакоенасць, адзначаючы, што ICE не мае юрысдыкцыі ў Італіі і што такая прысутнасць можа негатыўна паўплываць на імідж ЗША на міжнароднай арэне.
З Мінеапаліса, ахопленага пратэстамі, з’едуць старшы камандзір Памежнай службы і частка агентаў
Стала вядома імя мужчыны, якога федэральныя агенты застрэлілі ў Мінеапалісе. У горадзе зноў успыхнулі пратэсты
У Мінеапалісе супрацоўнікі іміграцыйнай службы ЗША зноў забілі чалавека пры затрыманні
У Портлендзе агенты памежнай службы ЗША паранілі двух чалавек
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары
Прошли только 3 / 5 % . Бывшие полицейские , пожарники ... ушедшие либо по здоровью , либо возраст . Что делать ? Резко снизили требования по всем пунктам . Прошли мелкие преступники , домашние насильники , слегка дебилы . Но окончить обучение смогли далеко не все . Хватило только на один штат . Вот это мы и видим в Минесоте .