Сітуацыя з курсам беларускага рубля застаецца стабільнай і галоўным чынам залежыць ад рынкавых фактараў, заявіў старшыня праўлення Нацбанка Беларусі Раман Галоўчанка ў каментары тэлеканалу «Першы інфармацыйны».
Галоўчанка ўдакладніў, што гэтыя рынкавыя фактары звязаныя з геапалітычнай сітуацыяй.
«Я ўжо неаднаразова казаў, што мы не гуляем спецыяльна супраць долара, не аслабляем рубель, не ўмацоўваем рубель. Таму пакуль сітуацыя на рынку складаецца такая. Пакуль я думаю, што яна цалкам задавальняе, галоўным чынам, беларускіх экспарцёраў, якія прадаюць прадукцыю ў Расійскую Федэрацыю», — адзначыў ён.
Акрамя таго, ён звярнуў увагу, што на курс цяпер уплывае і заканчэнне падатковага перыяду ў Беларусі, што стварае вялікую прапанову валюты на рынку. Пасля можна чакаць невялікага аслаблення рубля, але рэзкіх ваганняў у Нацбанку не прагназуюць.
27 студзеня даляр на Беларускай валютна-фондавай біржы падрос на 0,5% да рубля, курс юаня таксама павысіўся на 0,5%, а расійскі рубель падаражэў на 0,27%.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Што будзе ў Масковіі з РУблем, тое і з БІНам станецца праз гадзіну