Самалёт, на борце якога, як мяркуецца, знаходзіцца спецыяльны пасланнік прэзідэнта ЗША на Блізкім Усходзе Стыў Уіткаф, увайшоў у паветраную прастору Расіі, піша «Медуза» са спасылкай на даныя сэрвісу Flightradar24.
Борт Уіткофа вылецеў з Фларыды, праляцеў праз Атлантычны акіян, далей над Нарвегіяй, Швецыяй і Латвіяй. Па стане на 10:00, самалёт знаходзіўся над Цвярской вобласцю. У хуткім часе ён павінен здзейсніць пасадку ў Маскве.
Для Уіткафа візіт у Расію стане чацвёртым з лютага 2025 года. Спецпасланнік Трампа бярэ актыўны ўдзел у перамовах аб завяршэнні расійска-украінскай вайны.
Раней амерыканскія СМІ паведамлялі, што адміністрацыя Трампа падрыхтавала фінальную прапанову аб перамір’і. Яно, у прыватнасці, прадугледжвае, што ЗША прызнаюць расійскі кантроль над Крымам. Украіна заявіла, што не прыме падобныя ўмовы.
Лукашэнка: У 2020 годзе каля Палаца Незалежнасці не пакістанцы бегалі20
Каментары