Індыя абвінавачвае Пакістан у гібелі турыстаў і пагражае пакінуць яго без вады. Краіны на мяжы вайны
Пасля таго, як 22 красавіка ў індыйскім горадзе Палахгаме, што знаходзіцца ў спрэчнай вобласці Кашмір, былі забітыя 26 турыстаў, Індыя абвінаваціла ў гэтым Пакістан. У выніку ўзмацнілася традыцыйнае напружанне паміж дзвюма краінамі. Цяпер спыненыя авіязносіны і гандаль, высланыя дыпламаты, Індыя выходзіць з Дамовы аб водах, а Пакістан абяцае расцэньваць спробу адрэзаць водазабеспячэнне як абвяшчэнне вайны, піша Бі-бі-сі.
Індыйская паліцыя апублікавала імёны траіх падазраваных баевікоў і адзначыла, што двое з іх — пакістанцы.
23 красавіка ўвечары Індыя панізіла ўзровень дыпламатычных адносін з Пакістанам, амаль у два разы скараціўшы колькасць работнікаў пасольстваў, абвясціла аб закрыцці адзінага сухапутнага памежнага пераходу паміж краінамі і прыпыніла дзеянне пагаднення па водах ракі Інд, заключанага ў 1960 годзе. Візы пакістанцаў, выдадзеныя па сістэме вызвалення ад віз Паўднёва-Азіяцкай асацыяцыі рэгіянальнага супрацоўніцтва, будуць ануляваныя ў трохдзённы тэрмін.
Урад Пакістана ў чацвер увёў серыю мер у адказ: прыпыніў дзеянне віз для грамадзян Індыі, за выключэннем сікхскіх паломнікаў, абвясціў індыйскіх вайсковых дарадцаў персонамі нон грата і загадаў ім пакінуць краіну.
Паветраная прастора Пакістана была закрытая «для ўсіх авіяліній, якія належаць Індыі ці кіраваных Індыяй», быў таксама закрыты асноўны памежны пост Вагох і спынены ўвесь гандаль, у тым ліку транзіт тавараў. Пакістан папярэдзіў, што любая спроба Індыі спыніць пастаўкі вады з ракі Інд будзе расцэньвацца як «акт вайны», і адказ на яго будзе адпаведным.
У заяве пакістанскіх уладаў гаворыцца пра адсутнасць «даставернага расследавання і правяраных доказаў», а спробы Індыі звязаць атаку ў Кашміры з Пакістанам называюцца «легкадумнымі, пазбаўленымі рацыянальнасці і логікі».
Спрэчка адносна Кашміру трывае ў рэгіёне з 1947 года, калі ўтварыліся незалежныя Індыя і Пакістан. З той пары краіны перажылі тры вайны.
У індыйскім Кашміры ўзброеныя баевікі напалі на турыстаў, дзясяткі загінулых і параненых
Навошта Лукашэнку спатрэбіліся 150 тысяч пакістанцаў?
Лукашэнка: Беларусь і Пакістан дамовіліся выпрацаваць механізм для прыезду працоўных мігрантаў
«Яны чамусьці думаюць, што іх зараз згвалцяць». Прапаганда кінулася тушыць абурэнне беларусаў 150 тысячамі пакістанцаў
Ці расце злачыннасць пасля прыезду імігрантаў? Праверылі на прыкладзе Польшчы
Цяпер чытаюць
«Чакаем у Мінску +1 славутасць!» Блогераў прывезлі ў былую турму на Валадарскага15
Каментары
на дапамогу брацкаму пакістану.
[Зрэдагавана]