Пра намер да канца гэтага года ўкараніць у Беларусі імгненныя плацяжы па QR-кодзе паведаміў намеснік старшыні праўлення Нацбанка Аляксандр Ягораў на канферэнцыі «Лічбавы банкінг — 2025», перадае БелТА.
Аляксандр Ягораў адзначыў, што прымяненне штучнага інтэлекту дае магчымасць павысіць эфектыўнасць унутраных банкаўскіх працэсаў і накіроўваць намаганні на вырашэнне больш важных пытанняў. Сярод іх — укараненне ў сегменце рознічных продажаў сістэмы імгненных плацяжоў па QR-кодзе.
Падобную тэхналогію ўжо выкарыстоўваюць у асобных беларускіх крамах.
Новая сістэма дазволіць прадаўцам кантраляваць плацяжы ў рэжыме рэальнага часу, а кліентам — рабіць пакупкі з выкарыстаннем QR-кодаў у мабільных дадатках любых банкаў і пастаўшчыкоў плацежных паслуг. Пры гэтым адпадзе неабходнасць выкарыстоўваць банкаўскія карткі, наяўныя грошы і аплатныя сэрвісы іншых краін.
Як паведамлялася раней, у Беларусі лічбавы рубель плануюць увесці ў абарачэнне ў другой палове 2026 года для бізнэсу. Да 2027 года ім змогуць карыстацца дзяржорганы і фізічныя асобы.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары