На «Камунарцы» патлумачылі, чаму цэны на іх цукеркі радыкальна ўзляцелі за адзін дзень
Днямі беларуска падзялілася ў тыктоку, як у краме ў адзін і той жа дзень да абеду цукеркі «Труфелі» каштавалі 38,39 рубля, а пасля — ужо 63,36 рубля. «Анлайнер» звярнуліся па каментары, што адбываецца, да вытворцы і ў «Гіпа», дзе былі зробленыя фота.
«Змяненне цаны звязана з ростам цэн на прадукцыю гэтага пастаўшчыка. З прыходам новай партыі тавару адбылася пераацэнка ў рамках дзейнага заканадаўства», — пракаментавалі сітуацыю ў «Гіпа».
У «Камунарцы», у сваю чаргу, адзначылі, што адказваюць толькі за адпускную цану і цану ў фірмовых крамах.
Пазней у тэлеграм-канале вытворцы з'явіўся пашыраны каментар ад «Камунаркі».
«З пачатку года цэны на какава-бабы і іх вытворныя, якія прадпрыемства закупляе за мяжой, выраслі больш чым на 30%. У цукерцы «Труфель» утрыманне какава-прадуктаў перавышае 70%. У гэтай сітуацыі разглядаўся варыянт зняць гэты прадукт з вытворчасці, паколькі прадпрыемства не можа працаваць ва ўмовах адмоўнай рэнтабельнасці. Але ў выніку, каб не пазбаўляць пакупнікоў выбару, было прынята «няпростае рашэнне» аб павышэнні цаны».
Было 38 рублёў за кіло, стала 63? Цэннік на цукеркі «Камунаркі» выклікаў спрэчкі сярод беларусаў
«Камунарка» пачала прадаваць дубайскія цукеркі
На «Камунарцы» адновяць выпуск цукерак, папулярных у савецкія часы
З чырвонай цаной атрымалася даражэй, чым са звычайнай. Мінчанка купіла шакаладкі і засмуцілася
Цяпер чытаюць
«Ганна адказала: «Так!» Віталь Гуркоў зрабіў прапанову рукі і сэрца. Хто ж нявеста?24
Каментары