Рыбаку Аляксандру з Браслава падчас рыбалкі на адным з азёраў Аршанскага раёна пашанцавала злавіць амаль што рэкордны экзэмпляр гэтага віду рыбы, піша Fishing.by.
«Сам я з Браслава, часова пражываю ў Оршы. Вырашыў парыбачыць у гэтых мясцінах. Карася злавіў на звычайную летнюю вуду, у якасці прынады выкарыстаў апарыша з дажджавым чарвяком», — распавёў рыбак.
Вага рыбы склала 1,820 кг. Па меркаванні вопытных рыбаловаў, злавіць залатога карася вагой звыш паўтара кілаграма — вялікае шчасце. Гэта рыба цяжкая на рост, асцярожная і пераборлівая да прынад і нажывак. Круці не круці, а Аляксандру сапраўды пашанцавала, бо далёка не кожны рыбак можа пахваліцца такой залатой рыбкай.
Як ні дзіўна, але залаты карась у беларускіх рыбаловаў цяпер сустракаецца рэдка, а трафейныя экзэмпляры гэтай рыбы і ўвогуле ўспрымаюцца як нешта дзівоснае. Віной — няздольнасць нашага карася канкурыраваць з яго сярэбраным субратам з далёкага Амура, які калісьці завезлі ў Беларусь, і які добра адаптаваўся да мясцовых умоў. Ды і браканьеры зрабілі сваю справу, масава вылоўліваючы гэтую рыбу сеткамі і мярэжамі.
Але залаты карасік у беларускіх вадаёмах пакуль яшчэ не знік, і час ад часу ўсё ж радуе рыбаловаў сваімі асцярожнымі паклёўкамі.
Цяпер чытаюць
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі29
Каментары
...и сжэрлі!
Бо жраць няма ж чаго! Апасля нас - выпаленая зямля!