У Крамлі назвалі эмацыйнай рэакцыяй словы Трампа, які заявіў, што незадаволены Пуціным з-за удараў па Украіне.
«Пуцін прымае тыя рашэнні, якія неабходныя для бяспекі нашай краіны. Усе мы былі сведкамі таго, як кіеўскі рэжым пагражаў замежным лідарам напярэдадні іх прыезду ў Маскву на святкаванне Дня Перамогі. Гэтыя пагрозы чулі ўсе. Многія лідары фактычна сталі сведкамі спробаў кіеўскага рэжыму нанесці ўдары дронамі <…> гэтыя спробы працягваюцца, таму прэзідэнт Пуцін робіць тое, што неабходна для забеспячэння бяспекі Расіі», — сказаў прэс-сакратар прэзідэнта Расіі Дзмітрый Пяскоў.
Дональд Трамп сёння рэзка выказаўся пра Расію, заявіўшы, што Пуцін звар'яцеў.
У сваім допісе Трамп адзначыў, што заўсёды меў «вельмі добрыя адносіны» з Пуціным, аднак, паводле яго слоў, расійскі кіраўнік змяніўся. Трамп заявіў, што Пуцін «абсалютна звар’яцеў» і «беспадстаўна забівае людзей», паказваючы на расійскія атакі па ўкраінскіх гарадах.
Пакалечаная ў Дубаі ўкраінская мадэль сцвярджае, што адным з яе катаў быў 28-гадовы беларускі тэмшчык. Вось што пра яго вядома15
Каментары