HBO паказаў акцёраў, якія сыграюць Гары Потэра і ягоных сяброў Рона і Герміёну ў новым серыяле
Амерыканскі тэлеканал назваў імёны маладых акцёраў, якія сыграюць галоўныя ролі ў доўгачаканым серыяле паводле кніг Джаан Роўлінг. Новая экранізацыя гісторыі пра хлопчыка, які выжыў, стане адной з самых маштабных тэлевізійных пастановак у гісторыі. Бюджэт толькі адных дэкарацый — мільярд фунтаў.
Як паведамляе Warner Bros. Discovery, галоўнага героя — Гары Потэра — сыграе Дамінік Мак-Лафлін. Роля Рона Уізлі дасталася Аластару Стаўту, а вобраз Герміёны Грэйнджэр увасобіць Арабэла Стэнтан.
Усе трое — пачаткоўцы, для якіх серыял стане дэбютам на вялікім экране. Кандыдатаў шукалі па ўсім свеце: у адкрытым кастынгу ўдзельнічалі больш за 30 тысяч дзяцей.
«Пасля незвычайных пошукаў мы рады паведаміць, што знайшлі нашых Гары, Герміёну і Рона. Талент гэтых трох унікальных акцёраў уражвае, і мы не можам дачакацца, калі свет убачыць іх сумеснае чараўніцтва на экране. Мы шчыра ўдзячныя ўсім, хто ўдзельнічаў у праслухоўваннях», — паведаміла шоўранерка Франчэска Гардынер.
Гарадок для здымак за мільярд
У тэлепрасторы не толькі акцёры выклікаюць цікавасць, але і маштабы вытворчасці. Як піша Collider, HBO узводзіць для серыяла ўласны здымачны комплекс, які каштуе каля 1 мільярда фунтаў стэрлінгаў. Фактычна, гаворка ідзе пра цэлы невялікі горад, дзе будзе ўсё неабходнае для доўгатэрміновых здымак: тэхнічныя памяшканні і студыі, медыцынскі цэнтр, школа, каб дзеці-акцёры маглі працягваць навучанне, вальеры для жывёл, дэкарацыі Цісавай вуліцы, у тым ліку знакаміты дом сям’і Дурсляў, выкананы ў стылі Цюдараў.
Пачатак здымкаў
Паводле апошняй інфармацыі, здымкі пачнуцца летам 2025 года, а прэм’ера першага сезона перанесеная на 2027 год (спачатку меркавалася — 2026-ы). Усяго плануецца сем сезонаў — па адным на кожную з кніг Роўлінг.
Серыял будзе дакладнай адаптацыяй арыгінальнай літаратурнай серыі, а не рымейкам ранейшых фільмаў. Гэта значыць, што гледачы змогуць убачыць сюжэтныя лініі і дэталі, якія не былі паказаныя ў кінаэкранізацыі.
Хто сыграе Дамблдара і Снэйпа
Да праекта ўжо далучыліся і вядомыя акцёры:
-
Джон Літгаў (вядомы па фільме «Канклаў» і серыяле «Дэкстэр») — Альбус Дамблдар,
-
Джанэт Мак-Тыр («Перакаці-поле») — Мінерва Мак-Гонагал,
-
Паапа Эсьеду («Банды Лондана») — Северус Снэйп,
-
Нік Фрост («Зомбі па імені Шон») — Рубеус Хагрыд,
-
Люк Талан («Леапольдштат») — прафесар Квірэл,
-
Пол Уайтхаус («Гары і Пол») — Аргус Філч.
Серыял ад HBO, відаць, стане не толькі самай дакладнай, але і самай дарагой экранізацыяй «Гары Потэра», маючы намер стаць тэлевізійнай падзеяй дзесяцігоддзя.
-
«Беларусьфільм» распачаў здымкі серыяла пра міліцыю, сцэнарый якога прабіў Кубракова на слязу
-
Былы КВЗшнік з БДУ пісаў сцэнарый для галоўнага кінакрынджу года. Нават Мінкульт дагэтуль не можа ўзгадніць гэтага пачварнага «Калабка»
-
Выйшаў трэці сезон любімага беларусамі серыяла пра шляхту — вось чым здзіўляе «1670». Там зняліся і беларусы
Цяпер чытаюць
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Нашмат чарнейшы за Снейпа.