У першым квартале 2025 года продажы беларускага пеністага віна ў Расіі павялічыліся больш чым у 20 разоў. Такі рэзкі рост звязаны з нізкай базай і тым, што пасля ўвядзення загараджальных пошлін на віны з «недружалюбных краін» расійскія дыстрыбутары сталі больш завозіць напоі ў тым ліку з Беларусі.
Пра гэта піша «КоммерсантЪ».
Продажы ў расійскай розніцы ўвезенага з Беларусі пеністага віна ў першым квартале 2025 года павялічыліся ў 21 раз, да 11,8 тысячы дэкалітраў, вынікае з даных алкагольнай кампаніі Luding Group. Беларусь упершыню ўвайшла ў топ-10 краін па продажах гэтай прадукцыі ў РФ. Актыўныя пастаўкі віна з Беларусі туды пачаліся яшчэ летам 2024 года, калі расійскі дыстрыбутар алкаголю — «Вінтрэнд Рытэйл Груп» — атрымаў дэкларацыю адпаведнасці на імпарт напояў Мінскага завода вінаградных вінаў.
Анамальны рост паставак беларускага пеністага віна звязаны ў асноўным з нізкай базай, кажа кіраўнік WineRetail Аляксандр Стаўцаў. Паводле яго слоў,
вытворцы завозяць вінаматэрыял з іншых краін і разліваюць у сябе. Бо ў Расію завозіць так вінаматэрыял нельга.
Плюс гэта спроба прапанаваць недарагі аналаг прасека, якое прыкметна вырасла ў цане пасля ўвядзення новых пошлін і акцызаў.
На расійскім рынку ўстаноўлена падвышаная стаўка на імпарт віна з недружалюбных краін — 25%, але не менш як $2 за літр.
Па даных аналітыкаў Luding Group, у студзені-сакавіку таксама актыўна раслі продажы пеністага віна з Чылі — на 158% — і Арменіі — на 18%. А ў найбольш масавага імпартнага пеністага, наадварот, назіраецца спад продажаў: у прадукцыі з Італіі — на 30%, з Францыі — на 32%, з Іспаніі — на 37%.
Цяпер чытаюць
Беларускай удзельніцы конкурсу «Міс Сусвет» зрабілі касцюм вагой у 11 кілаграмаў. Шэсць з іх — какошнік5
Каментары