У першым квартале 2025 года чысты прыбытак галоўнай нафтаздабыўчай кампаніі Расіі — «Раснафты» — скараціўся на 58% у параўнанні з аналагічным перыядам мінулага года. Гэта вынікае з яе фінансавай справаздачнасці па міжнародных стандартах, піша The Moscow Times.
За студзень—сакавік кампанія атрымала толькі 170 мільярдаў рублёў (каля 2,2 мільярда даляраў) прыбытку супраць 399 мільярдаў (каля 5,2 мільярда даляраў) год таму. Выручка таксама зменшылася на 12% — да 2,283 трыльёна рублёў (каля 29,57 мільярда даляраў). Акрамя таго, аперацыйны грашовы паток (365 мільярдаў) не пакрыў капітальныя выдаткі (403 мільярдаў, і «Раснафта» апынулася ў адмоўнай зоне.
У якасці прычын такога падзення ў кампаніі называюць:
- зніжэнне цэнаў на нафту Urals (на 9%) і прэміяльную нафту ВСТО (на 11%);
- умацаванне рубля, з-за чаго рублёвыя даходы ад экспарту ўпалі на чвэрць (да 5000 рублёў за барэль у сакавіку, і яшчэ ніжэй у красавіку і маі — да 4000 рублёў);
- санкцыі, якія прымусілі павялічыць зніжкі для пакупнікоў нафты, асабліва ў Кітаі;
- павелічэнне ключавой стаўкі Цэнтрабанка, што павялічыла выдаткі па крэдытах у 1,8 раза;
- рост падатку на прыбытак.
Каб пакрыць рост выдаткаў, «Раснафта» была вымушаная ўзяць 1 трыльён рублёў (каля 13 мільярдаў даляраў) пазыкі — гэта ў чатыры разы больш, чым у першым квартале 2024 года.
Нягледзячы на негатыўную дынаміку, аналітыкі, аднак, не лічаць, што «Раснафта» сутыкнулася з доўгатэрміновымі праблемамі. Паколькі бюджэт краіны залежыць ад нафтавых даходаў, улады, хутчэй за ўсё, адрэагуюць — напрыклад, праз аслабленне рубля (дэвальвацыю), каб падняць даходнасць экспарту.
Таксама падкрэсліваецца, што «Раснафта» — адзіная кампанія ў Расіі, якая мае перспектыву пашырэння здабычы дзякуючы праекту «Усход Ойл» — апошняму буйнаму неасвоенаму кластару нафтавых радовішчаў у краіне.
Панама ўводзіць новыя абмежаванні для «ценявога флоту» Расіі
Расія пачала суправаджаць свае танкеры ў Балтыйскім моры вайсковымі караблямі і самалётамі
Расійскія чыгункі сутыкнуліся з найбуйнейшым падзеннем грузаперавозак у гісторыі кампаніі
Украіна дабіваецца змяншэння цэнавай столі на расійскую нафту ўдвая
У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі26
Каментары
«Я мяркую, што прэзыдэнту ТРАМПУ варта вывучыць, як Рональд Рэйган перамог Бальшавіцкую імпэрыю. Ён зрабіў гэта бяз стрэлу, як мы ведаем, але ў яго была супэрзброя — нафта.»
Варта памятаць, як Рональд Рэйган зрынуў Бальшавіцкую імпэрыю — бяз стрэлу. Ягоная ключавая зброя? Нафта. Як сказаў Майкл Рэйган: "Ён зрабіў гэта бяз стрэлу, як мы ведаем, але ў яго была супэрзброя — нафта."
— Майкл Рэйган.
Тогда и война закончится, и путин угомонится.