Апошнія 25 гадоў Амерыка паступова здавала пазіцыі, а камуністычны Кітай нарошчваў магутнасці. Гэта адбывалася на ўсіх франтах. І гэта азначае, што мы стаім на парозе вялікага развароту.
Сучасныя войны — гэта, у першую чаргу, спаборніцтва прамысловых магутнасцяў. Уварванне Расіі ва Украіну гэта яскрава паказала: бакі з велізарнай хуткасцю вычэрпваюць запасы снарадаў, ракет і вайсковай тэхнікі, а беспілотнікі цяпер выпускаюцца на аўтаматызаваных заводах кругласутачна. Нават класічныя гарматы патрабуюць дакладнай вытворчасці.
Як адзначае The Wall Street Journal, перамогу ў Другой сусветнай вайне саюзнікі здабылі таму, што ЗША мелі здольнасць выпускаць усё ў вялізных маштабах — ад куляў да ежы. Ніхто тады не мог параўнацца ў гэтым з амерыканцамі. Напрыклад, у 1942 годзе верф у Каліфорніі пабудавала транспартны карабель менш чым за пяць дзён. Сёння Амерыка ўжо не здольная на такія індустрыяльныя геройствы.
На сёння краіна, якая мае найвялікшыя магчымасці для выпуску амаль усяго — ад простых матэрыялаў да перадавой тэхнікі, — гэта Кітай. Ва ўмовах росту напружанасці паміж ЗША і Кітаем прамысловы патэнцыял дзвюх краін становіцца ключавым чыннікам патэнцыялу вайсковага.
Эканамічны рост Кітая дазволіў яму стварыць армію, якая можа канкураваць з амерыканскай. Паводле даных вашынгтонскага Цэнтра стратэгічных і міжнародных даследаванняў (CSIS), усяго адзін кітайскі суднабудаўнік у 2023 годзе вырабіў больш камерцыйных суднаў (па водазмяшчэнні), чым уся суднабудаўнічая індустрыя ЗША з часоў Другой сусветнай вайны.
Такі маштаб камерцыйнай вытворчасці субсідуе і вытворчасць вайскова-марскіх суднаў, і ў выпадку вайны вытворчыя магутнасці могуць быць лёгка пераключаныя з транспартных караблёў на вайсковыя.
З 2000 года Кітай пабудаваў у два разы больш вайсковых караблёў, чым ЗША (паводле даных кампаніі Janes, якая спецыялізуецца на абароннай аналітыцы). Флот і авіяцыя Кітая па сваёй колькасці здаганяюць амерыканскія, хоць шматлікія платформы ЗША лічацца тэхналагічна перадавымі.
Асобны прыклад — ракеты і крылатыя ракеты на вайсковых караблях: Кітай скарачае разрыў у магчымасцях нанясення ўдараў з мора.
Пры гэтым значная частка вытворцаў у Кітаі — гэта не вайсковыя прадпрыемствы, а заводы двайнога прызначэння. Яны могуць лёгка перапрафілявацца на вытворчасць зброі або забеспячэнне арміі ў разе патрэбы.
Кітай не толькі мае больш заводаў, але і мадэрнізуе іх хутчэй. Напрыклад, укараняе прыватныя 5G-сеткі для аўтаматызацыі вытворчасці, што дазваляе хутчэй звязваць дызайнераў, тэхніку і карыстальнікаў, абнаўляючы лінейку прадукцыі ў рэжыме, недасяжным для традыцыйнай індустрыі.
Гэта таксама азначае, што Кітай можа хутчэй і шырэй нарошчваць вытворчасць. У яго значна больш індустрыяльных робатаў, якія дапаўняюць велізарную колькасць рабочых.
Вайна — гэта не толькі зброя. Кожны самалёт, карабель і танк патрабуе паліва, запчастак і боепрыпасаў. Экіпажам патрэбныя ежа, вада і меддапамога. Усё гэта патрабуе лагістыкі — у асноўным марской. І тут Кітай мае значна больш суднаў, здольных падтрымліваць армію.
Нават калі ЗША змогуць павялічыць флот камерцыйных грузавых суднаў, у іх проста не хопіць маракоў. Паводле некаторых ацэнак, у ЗША засталося менш за 10 000 камерцыйных маракоў (дакладных лічбаў няма, бо дзяржава спыніла іх улік шмат гадоў таму). У Кітаі іх у 200 разоў больш.
Кітай валодае значна большымі запасамі і кантролем над сыравінай, якая неабходная для вытворчасці сучаснай вайсковай тэхнікі. Ён дамінуе на рынку здабычы і перапрацоўкі рэдказямельных металаў — важнага кампанента ў вытворчасці ракет, самалётаў, падлодак. Кітайскія кампаніі ігнаруюць спробы ЗША аслабіць іх кантроль над гэтымі рэсурсамі.
Калі б ЗША сутыкнуліся з маштабным канфліктам, ім давялося б цалкам пераарыентаваць сваю індустрыю і працоўную сілу — як гэта ўжо было падчас дзвюх папярэдніх сусветных войнаў. Аднак у Кітая, як адзначаюць аўтары аналізу, такая працоўная сіла ўжо ёсць: па колькасці рабочых, занятых у прамысловасці, Кітай значна пераўзыходзіць усе іншыя краіны.
Выснова ясная: калі свабодны свет хоча захавацца, яму мусова мабілізавацца.
Каментары
Аб " моцы ЗША" былі яшчэ нейкія іллюзіі Другі тэрмін Трампа канчаткова пазбавіт апошніх іллюзій ." Паніжэнне тарыфаў да Кітая " прызупынка , крах у Афгане Ймені і дамова з хусітамі
Адзінае гэта "ядз зброя"
У рф колькі раз выбухала тыдзень таму абяцалі ух ..выбух цішыня .
Яшчэ пры Байдэне Сі Цзіньпінь знял міністра обороны кіраўніцтва супраць паветранай абароны і ракет.войск
Наконт Штатаў ...