3 чэрвеня 2025 года на 89-м годзе пайшоў з жыцця вядомы малдаўскі кампазітар. Да апошніх дзён жыцця ён быў таксама непрымірымым крытыкам расійскага імперыялізму.
Яўген Дога нарадзіўся 1 сакавіка 1937 года ў Малдове.
Ён стаў адным з самых вядомых і ўплывовых кампазітараў постсавецкай прасторы. Яго творчасць ахоплівала шырокі спектр жанраў — ад сімфанічнай і камернай музыкі да песень і музыкі для кіно.
Асаблівую вядомасць яму прынеслі мелодыі да фільмаў «Мой ласкавы і пяшчотны звер», «Табар ідзе ў неба» і іншых.
Яўген Дога быў узнагароджаны мноствам прэстыжных званняў і ордэнаў, у тым ліку атрымаў званне народнага артыста СССР.
Апошнія гады ён жыў у Кішынёве. Там ягоным імем пры жыцці былі названыя музычная школа і вуліца.
Да апошніх дзён жыцця ён быў таксама непрымірымым крытыкам расійскага імперыялізму. 21 мая 2023 года, 86-гадовым, ён узяў удзел у «Вялікім нацыянальным сходзе ў падтрымку еўраінтэграцыі», які адбыўся ў Кішынёве.
Каментары