ЗША забіраюць ва Украіны крытычна важную тэхналогію барацьбы з дронамі
Адразу пасля атакі ўкраінскіх дронаў на расійскія аэрадромы 1 чэрвеня адміністрацыя Трампа прыняла рашэнне забраць у Кіева важны кампанент супрацьдроннай зброі і перадаць яго амерыканскім сілам на Блізкім Усходзе.
ЗША забіраюць у Кіева ключавую супрацьдронную тэхналогію — спецыяльныя ўзрывальнікі, неабходныя для знішчэння расійскіх БПЛА. Гэтыя кампаненты былі перанакіраваныя амерыканскім ВПС на Блізкім Усходзе, паводле інфармацыі The Wall Street Journal.
«Патрэба ва ўзрывальніках — гэта «неадкладная праблема, вызначаная міністрам абароны», — гаворыцца ў паведамленні Пентагона.
Гэты крок быў зроблены пасля таго, як прэзідэнт Трамп у сераду заявіў, што прэзідэнт Расіі Уладзімір Пуцін у тэлефоннай размове сказаў яму, што Масква будзе вымушана рашуча адрэагаваць на нядаўнія напады ва Украіне. 4 чэрвеня Трамп заявіў, што Уладзімір Пуцін падчас тэлефоннай размовы прыгразіў «магутным адказам» на гэтыя атакі. Гэта, паводле яго, «аслабляе шанцы на спыненне вайны».
Акрамя таго, міністр абароны ЗША Піт Хегсэт адмовіўся ад удзелу ў пасяджэнні НАТА, прысвечаным ваеннай дапамозе Украіне. Замест гэтага ён засяроджваецца на заходне-ціхаакіянскім рэгіёне, які назваў «прыярытэтным тэатрам дзеянняў».
Крытыкі ў Кангрэсе кажуць, што ЗША адмаўляюцца ад сваіх абавязацельстваў перад Украінай.
«Адмаўляць Украіне так неабходную зброю на гэтым этапе вайны — недапушчальна. А тое, што Пентагон не тлумачыць, чаму гэта неабходна, выклікае падазрэнні, што гэта можа быць карным рашэннем», — сказаў адзін з дэмакратаў.
Узрывальнікі прызначаны для сістэмы APKWS (Advanced Precision Kill Weapon System), якая выкарыстоўваецца для знішчэння расійскіх БПЛА. Раней іх пастаўлялі Украіне, зараз жа гэтыя ж ракеты будуць ужывацца амерыканскімі F-15 і F-16 супраць дронаў у рэгіёне Персідскага заліва.
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек44
Каментары