З-за ўдару маланкі ў Магілёўскім і Бабруйскім раёнах загарэліся два дамы
Непагадзь прынесла вялікія непрыемнасці дзвюм гаспадыням дачных дамоў — у садовым таварыстве «Будаўнік-1» Бабруйскага раёна і «Надзея-Шчэжар» Магілёўскага раёна, паведамляе МНС.
Паведамленне пра пажар у СТ «Будаўнік-1» паступіла 5 чэрвеня ў палову дзясятай вечара ад суседзяў. Як распавялі відавочцы, дом загарэўся адкрытым полымем. 70-гадовая гаспадыня дачы пражывае ў Бабруйску, у момант здарэння яна знаходзілася дома, на дачы нікога не было.
Пажар знішчыў дах, пашкодзіў рэчы на мансардным паверсе. Разглядаецца версія пра трапленне ў дом навальнічнага разраду.
У 22:08 паступіў званок пра пажар у СТ «Надзея-Шчэжар» Магілёўскага раёна. Супрацоўнікі МНС ліквідавалі адкрытае гарэнне дома. Гаспадыня пацвердзіла, што ў памяшканні нікога няма.
Пашкоджаны перакрыцце, дах і маёмасць. Разгляданая прычына пажару — трапленне маланкі.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Spiarša jana daŭbala pobač, nijak nie mahla patrapić, alie z niejkaj sproby patrapila.
Nu, što, ničoha nie zdarylasia, niejkaje imhnieņnie ŭsio naŭkol sčezla ŭ tumanie, žoŭta-zalatoha kolieru, a potym usio pačalo zvinieć i pilikać naŭkol, heta aparatura vydala svaje aliarmy, bo jaje pavyšybala.
Niepryjemny byŭ momant, alie ŭsio paščascila pierazapuscić, toļki drabiaza roznaja nakrylasia. Zapomniŭ datu - 10 sakavika. Ciapier budu pić čarku i ŭ hety dzieņ taksama...