Зяленскі: Украінскія дроны могуць таксама праляцець на парадзе 9 Мая ў Маскве
«Гэта паказвае, што яны ўжо не настолькі моцныя, як раней».
Выступаючы на саміце Еўрапейскай палітычнай супольнасці ў Ерэване, Зяленскі дапусціў атакі дронаў падчас параду 9 мая ў Маскве, паведамляе «Дождь».
Па яго словах, гэта лета будзе «тым момантам, калі Пуцін будзе вырашаць, што рабіць далей: пашыраць гэтую вайну або пераходзіць да дыпламатычнага шляху, і мы павінны падштурхоўваць яго ў кірунку дыпламатыі».
«Расія абвясціла парад 9 мая, але на гэтым парадзе не будзе вайсковай тэхнікі. Гэта будзе ўпершыню, калі гэта сапраўды так, за шмат-шмат гадоў, калі яны не могуць сабе дазволіць прысутнасць тэхнікі на парадзе.
І ўкраінскія дроны могуць таксама праляцець на гэтым парадзе.
Гэта паказвае, што яны ўжо не настолькі моцныя, як раней.
Мы павінны далей ціснуць, ціснуць санкцыямі на іх. І я дзякую вам за 20‑ы пакет санкцый», — сказаў Зяленскі.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1919
Каментары