У Мінску будуюць новы шматфункцыянальны цэнтр з прамым выхадам з метро
Дзе ён будзе?
У сталіцы на скрыжаванні праспекта Дзяржынскага з вуліцай Я. Чачота ўзводзяць шматфункцыянальны цэнтр. Дабудаваць яго плануюць у 2027-м.
Раней тут збіраліся зрабіць шматузроўневы паркінг да ЖК «Мегаполіс». Але паркінг так і не завяршылі. У 2024‑м вырашана было адабраць зямлю ў кампаніі і знесці тое, што набудавалі.
Новы ўласнік выкупіў даўгабуд на аўкцыёне, расказвае «Анлайнер».
Заказчыкам праекта выступае ЗАТ «Белцяжмаш». Гэтую арганізацыю вы можаце ведаць па такіх аб’ектах, як бізнэс-цэнтры Omega Tower і на Захарава, 42, гандлёвы цэнтр Globo.
Што цікава, новы шматфункцыянальны цэнтр будзе не толькі прасторны — 23 500 квадратных метраў, але і з рэдкай для Мінска фішкай.
«У кроку ад станцыі метро «Малінаўка» будуецца шматфункцыянальны комплекс «Чачота 2В» з прамым выхадам з метро проста ў будынак. Пешаходы будуць трапляць у гандлёвую прастору, не выходзячы на вуліцу», — так апісвае канцэпт заказчык, удакладняючы, што зараз збірае заяўкі ад патэнцыйных арандатараў.
Каго чакаюць на плошчах «Чачота 2В»? Розныя крамы, гастрамаркеты, рэстараны, кафэ, фудкорты, кавярні, пякарні. Таксама спадзяюцца адкрыць фітнэс-, велнес– і б’юці-месцы; дзіцячыя і сямейныя прасторы. А яшчэ банкі, аптэкі, медцэнтры, сэрвісныя кампаніі, офісы. Спашукальнікі павінны прэтэндаваць на плошчу не менш за 500 «квадратаў».
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары
Раней браты " югі- сэрбы" дапамагалі зараз арабы эмірэтчыкі оманшчыкі ці яшчэ нехта
Зачым і на..вошта туды хадзіць ???
У дубай молле напрыклад акварыум паглядзець звонку безкаштоўна і за грошы унутры ну раз другі трэці ..а далей
У гэтых "тц" ўсе даражэй і часу болей страцішь