У Беларусі расце колькасць фермерскіх гаспадарак. Чым яны займаюцца?
У Беларусі расце колькасць фермерскіх гаспадарак. Паводле даных Белстата, на пачатак 2025 года ў краіне дзейнічала 3796 фермерскіх гаспадарак — гэта на 9,6% больш, чым у 2021 годзе.
У 2024 годзе фермеры карысталіся 318 тысячамі гектараў сельскагаспадарчых земляў, з якіх больш за 220 тысяч — гэта ворныя землі. У параўнанні з 2020 годам гэта рост амаль на 30%.
Асноўнай спецыялізацыяй фермерскіх гаспадарак застаецца раслінаводства — больш за 90% прадукцыі. У 2024 годзе яны вырасцілі:
- 331,5 тысяч тон збожжавых і зернебабовых (4% ад агульнанацыянальнага аб'ёму);
- 422,4 тысяч тон бульбы (13,6%);
- 413,8 тысяч тон агародніны (14,9%);
- 107,8 тысяч тон цукровых буракоў (2,2%);
- 50,7 тысяч тон рапсу (4,9%).
У той жа час у жывёлагадоўлі доля фермерскіх гаспадарак застаецца нязначнай. У 2024 годзе яны прадалі на забой 10,6 тысяч тон жывёлы і птушкі (0,6% ад агульнага аб’ёму па краіне), а таксама вырабілі 50,9 тысяч тон малака (таксама 0,6%).
Аднак у вытворчасці воўны фермеры маюць куды больш істотнае значэнне — 12,3% ад агульнай колькасці.
«Праца цяжкая, але плён натхняе». Сёлетні клубнічны сезон працягнецца даўжэй, чым звычайна
У мінскай краме прадаюць «нарвежскі» сыр ад беларускага вытворцы па 160 рублёў за кілаграм
Мінчанка кінула сталіцу, аднавіла хату 1905 года — і шчаслівая
Беларускі фермер раскладаў вогнішчы на полі, каб выратаваць клубніцы
Халодны май ударыў па клубніцах. Беларускія фермеры кажуць аб зніжэнні ўраджаю
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары