Назвалі два беларускія гарады, у якіх радыяцыйны фон вышэйшы за норму
Паводле звестак Рэспубліканскага цэнтра па гідраметэаралогіі і кантролі радыяцыйнага забруджвання (Белгідрамета), з 5 па 12 чэрвеня радыяцыйная сітуацыя ў Беларусі не змянялася. Аднак у двух населеных пунктах зафіксаваны павышаны ўзровень гама-выпраменьвання.
Па стане на 12 чэрвеня ў Мінску, Брэсце і Гродне паказчык склаў 0,10 мкЗв/гадзіну. У Віцебску і Гомелі — 0,11 мкЗв/гадз, у Магілёве — 0,12 мкЗв/гадз. Спецыялісты адзначаюць, што гэта адпавядае шматгадовай норме.
У Беларусі звычайны радыяцыйны фон вагаецца ў межах ад 0,10 да 0,13 мкЗв/гадзіну, асабліва на тэрыторыях Гомельскай і Магілёўскай абласцей.
Аднак у зонах пастаяннага кантролю, якія знаходзяцца ў раёнах з павышаным радыяцыйным забруджваннем, зафіксаваныя значна вышэйшыя паказчыкі:
- у Брагіне — 0,48 мкЗв/гадзіну;
- у Слаўгарадзе — 0,18 мкЗв/гадзіну.
Гэтыя паказчыкі лічацца вышэйшымі за звычайны фон.
Каментары