У Варшаве польская паліцыя затрымала 33-гадовага грамадзяніна Беларусі, які знаходзіўся ў міжнародным вышуку праз Інтэрпал за ўдзел у наркатычным бізнэсе.
Мужчыну шукалі па «чырвонай ноце» Інтэрпала — гэта адзін з самых сур’ёзных узроўняў вышуку, які дазваляе арыштаваць падазраванага з наступнай экстрадыцыяй.
Затрыманне адбылося ў межах агульнанацыянальнай аперацыі па пошуку асобаў, што ўцякаюць ад правасуддзя. Супрацоўнікі крымінальнага аддзела варшаўскага раёна Воля вызначылі месцазнаходжанне беларуса ў раёне Прага-Поўдзень. У панядзелак раніцай мужчына быў затрыманы і дастаўлены ў пракуратуру для правядзення следчых дзеянняў.
Паводле інфармацыі следства, беларус быў членам арганізаванай злачыннай групы, якая займалася продажам наркотыкаў. У выпадку, калі яго экстрадуюць на радзіму, яму можа пагражаць да 20 гадоў зняволення.
Цяпер чытаюць
Стаў вядомы прысуд экс-памочніку Лукашэнкі Ігару Брыло2
Каментары
>праз Інтэрпал
>па «чырвонай ноце» Інтэрпала
1) вы на паўдарозе да поўнага перакладу - International трэба перакласці таксама і ТАДЫ буде МІЖПАЛ!
2) А Microsoft Windows - гэта "ДробнаМяккія Вокны"
>што ўцякаюць ад правасуддзя
скрываться == хавацца
уцякаць == убегать, удирать; уходить; совершать побег, бежать
(не пришей к п рукав к "скрываться" )