Грамадства1414

Беларусы ставяць адну зорку дзіцячаму цэнтру, які трапіў у скандал з беларускай мовай

Дырэктарка дзіцячага цэнтра «Сокровища нации» цяпер просіць бацькоў дапамагчы падняць рэйтынг у «Яндэксе».

Драма вакол цэнтра дзіцячага развіцця «Сокровища нации» не сціхае. У сторыс афіцыйнага акаўнта з’явіўся скрыншот водгукаў на «Яндэкс. Картах»: два чалавекі напісалі негатыўныя каментарыі наконт моўнай дыскрымінацыі. Іншыя проста ацанілі паставілі адзнаку цэнтру, і яго рэйтынг цяпер — роўна 1,0.

Таму кіраўніцтва просіць бацькоў дапамагчы выправіць сітуацыю і пакінуць станоўчы водгук. Пакуль наведвальнікі ратаваць рэпутацыю «Сокровища нации» не спяшаюцца.

Нагадаем: на мінулым тыдні беларускамоўная выкладчыца паскардзілася ў сацсетках, што яе не ўзялі на працу ў «Сокровища нации» праз тое, што ў цэнтры ўсе размаўляюць выключна на рускай мове.

Дырэктарка Людміла Жук потым некалькі разоў спрабавала растлумачыць сітуацыю. То яна казала, што ўжо думала нават стварыць беларускамоўны гурток, але пасля пачатку скандалу ў сацыяльных сетках раздумала. То казала, што дазволіла б выкладчыцы вітацца і развітвацца з бацькамі на беларускай, але ўвесь час размаўляць — гэта, па яе меркаванні, перабор.

Чыноўнікі паспрабавалі хутка адрэагаваць на скандал. Намесніца кіраўніка адміністрацыі Цэнтральнага раёна сталіцы Людміла Барысенка расказала журналісту «Мінск-Навінаў», быццам у цэнтр прыйшла праверка і знайшла парушэнні:

— Маніторынг цэнтра з боку Дэпартамента якасці адукацыі Міністэрства адукацыі выявіў парушэнні заканадаўства, звязаныя з арганізацыяй адукацыйнага працэсу і бяспекай. Прадпрыемства не ўзгадніла ва ўстаноўленым парадку праграмы дадатковай адукацыі дзяцей і моладзі. Выпраўленне парушэнняў знаходзіцца на кантролі ўпраўлення па адукацыі адміністрацыі Цэнтральнага раёна Мінска.

Людміла Жук. Скрыншот яе сторыс у інстаграме

Але ж сама дырэктарка «Сокровищ нации» абвінаваціла і дзяржаўнага журналіста, і чыноўніцу ў хлусні. Яна распавяла ў сторыс, што ніякіх праверак пасля інцыдэнту не было.

Людміла Жук таксама заявіла, што напісала заяву ў міліцыю на беларускамоўную выкладчыцу, якая паскардзілася на яе цэнтр у сацсетках.

@nashaniva Беларусы ставяць адну зорку дзіцячаму цэнтру, які не ўзяў на працу беларускамоўную настаўніцу #мова #беларускаямова #беларусь #минск #минсксейчас #нашаніва #беларусь #белорусскийязык ♬ Mysterious and sad BGM(1120058) - S and N

Каментары14

  • Как обычно
    17.06.2025
    Культура отмены. И войны интернет-троллей. Пусть работают нормально, а на рейтинг наплевать. Странно, что кто-то из родителей выбирает школу ребенку по рейтингу Яндекса. Тем более неадекватному.
  • Караваджа
    17.06.2025
    І ў мяне няма вялікага негатыву да гэтай дырэктаркі. Яна існуе ў сітуацыі, якую стварыў пачварны рэжым. Дзе беларуская мова вынішчаецца і дакладна не належыць да "сакровішчаў нацыі". Дзе беларускія дзеці не ведаюць беларускай мовы, а бацькоў гэта не надта турбуе. Дзе беларускамоўны чалавек афлайн -- што тая белая варона. Дзе па-беларуску нельга нават атрымаць вышэйшую адукацыю.

    І вось уявіце, як бы гэты цэнтр працаваў з беларускамоўнай выкладчыцай. Колькі было б пытанняў ад тых жа дзяцей кшталту "а чьто тьотья сказала?" Колькі б нязручнасцяў гэта стварыла. Бацькі маглі б яшчэ больш-менш лагодна паставіцца, але пэўна б знайшліся некалькі, якія б заявілі: "Мы не за это вам дьеньгі плацім, чьтобы мой рьебьенок нічьего не понімал".

    Дырэктарка гэта разумела і не ўзяла на працу педагога. Дырэктарка -- прадукт сваёй эпохі. Такой яе зрабілі 30 гадоў пячорнага лукашызму. Манкурт не вінаваты ў тым, што яму ў свой час накінулі на галаву кусок скуры вярблюда.

    Увогуле гэты выпадак -- сімптом, а не прыватны абуральны выпадак. Сімптом той катастрофы, да якой прывёў грамадства лукашэнка.

    І звярніце ўвагу на паводзіны так званай улады. Што яна робіць у гэтай сітуацыі? Ну, канечне, насылае ва ўстанову праверку. Кашмарыць у любой незразумелай сітуацыі -- фірмовы почырк рэжыму.

    Гэта тая самая ўлада, якая цалкам адказная за вынішчэнне мовы і такія вось сітуацыі. Якая робіць з людзей манкуртаў. Цяпер гэтая ўлада пакарае дырэктарку за свае ж уласныя грахі. І беларусікі ў сацсетках паставяць за гэта падабайкі.
  • 1234
    17.06.2025
    Магілёў найлепшы, таксама не разумею, чаму плодзяць нянавісьць на моўнай глебе, цяжка быць беларускамоўным, калі з табой так абыходзяцца

Цяпер чытаюць

Від на Каложскую царкву безнадзейна сапсаваны36

Від на Каложскую царкву безнадзейна сапсаваны

Усе навіны →
Усе навіны

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям58

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

больш чытаных навін
больш лайканых навін

Від на Каложскую царкву безнадзейна сапсаваны36

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць