У Бабруйску п'яны бяспраўнік на матацыкле ўцякаў ад ДАІ. Заплаціць штраф амаль 10 тысяч рублёў
На днях інспектары ДПС звярнулі ўвагу на матацыкліста, які рухаўся без моташлема, і падалі яму сігнал аб спыненні. Але той сігнал праігнараваў, паспрабаваўшы з'ехаць, паведамляе тэлеграм-канал «Міліцыя Магілёўшчыны».
Парушальнікам аказаўся 31-гадовы бабруйчанін. У дачыненні да мужчыны складзена 7 пратаколаў, у тым ліку за кіраванне ў стане алкагольнага ап'янення, паўторна без правоў, непадпарадкаванне законным патрабаванням супрацоўніка міліцыі.
Медыцынскі агляд паказаў наяўнасць этылавага спірту ў выдыханым паветры ў канцэнтрацыі 0.98 праміле. Цяпер яму давядзецца заплаціць штраф 9513 рублёў.
Цяпер чытаюць
Што Бабарыка і Калеснікава адказалі на пытанні пра вайну78
Каментары