У клецкай паліклініцы пацыенты пабіліся за месца ў чарзе. Цяпер будзе суд
У клецкай паліклініцы адбыўся канфлікт паміж двума пацыентамі з-за чаргі, які перарос у бойку. Усё адбылося ўдзень, пры іншых людзях, і было зафіксавана камерамі назірання, піша «Мінская праўда».
Інцыдэнт здарыўся 8 красавіка. Мужчына 1973 года нараджэння падчас спрэчкі схапіў іншага пацыента (1960 года нараджэння) за шыю, потым за адзенне, штурхнуў і паваліў на падлогу. Пацярпелы пры гэтым атрымаў толькі нязначныя драпіны, без сур’ёзных траўмаў.
Пазней мужчына-агрэсар прызнаў, што ягоныя дзеянні былі празмернымі і што канфлікту можна было пазбегнуць.
18 красавіка, аднак, на яго завялі крымінальную справу за хуліганства з ужываннем гвалту. Бо такі ўчынак кваліфікуецца як не проста бытавая сварка, а парушэнне грамадскага парадку.
Цяпер мужчыну можа пагражаць пакаранне — ад грамадскіх работ да абмежавання волі або арышту. Канчатковае рашэнне будзе прымаць суд з улікам усіх абставінаў, у тым ліку таго, што шкода здароўю была нязначнай і абвінавачаны раскаяўся.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары