Шаметавец: Пасля знікнення ні Мельнікава, ні ад яе імя на «Кіберпартызанаў» не выходзілі. Яна не мае чым нас шантажаваць
Прадстаўніца ініцыятывы «Кіберпартызаны» Юліяна Шаметавец расказала Радыё Свабода, да якой інфармацыі мела доступ зніклая Анжаліка Мельнікава.
— «Кіберпартызаны» знаходзіліся ў дзелавых адносінах са спікеркай Каардынацыйнай Рады Анжалікай Мельнікавай. Цяпер з'явілася шмат інфармацыі пра тое, што яна была звязаная з беларускімі спецслужбамі. Ці магла далікатная інфармацыя пра вас уцячы праз яе беларускім спецслужбам, ці маглі яны праз яе маніпуляваць вамі?
— Мы ад самага пачатку будавалі нашы адносіны з Анжалікай, як і з іншымі людзьмі, такім чынам, каб ніякая адчувальная інфармацыя не трапляла да нашых суразмоўцаў. І таму маніпуляваць проста не было чым. Яна ведала толькі публічных асобаў нашай ініцыятывы, такіх, як я. Ніякіх кантактаў з нашымі хакерамі, з нашымі супрацоўнікамі, якія ажыццяўляюць практычную дзейнасць ініцыятывы. Яна не ведала, ані планаў ані стратэгій нашых дзеянняў. Яна займалася некаторымі бюракратычнымі пытаннямі, складаннем дамоваў, працай па бухгалтарскіх праблемах.
Дарэчы, пасля яе знікнення на нас ні яна сама, ні ад яе імя, не выходзілі. Нічым з таго, што яна ведала, нас немагчыма шантажаваць ці намі маніпуляваць.
Непрыемная сітуацыя, але мы заўсёды сыходзім з таго, што чалавека могуць завербаваць і з улікам гэтага мы выбудоўваем камунікацыю. Але калі ні з кім ні пра што не размаўляць, а толькі сядзець на канапе, дык тады наогул ніякай працы не будзе.
— Ці не спрабавала Анжаліка ў вас атрымаць нейкую інфармацыю? І ці не прапаноўвала нейкія аперацыі, якія варта было б правесці ў Беларусі?
— Не, ніякія праекты ў Беларусі яна зрабіць не прапаноўвала. У яе былі ідэі, як можна нешта прасоўваць у медыя, як знайсці донараў, але і пра гэта гутаркі былі ў досыць агульным плане. У нас з ёй былі даволі добрыя адносіны. Але яна нічога ў мяне не пыталася і пра маё жыццё ў ЗША, пра маю сям’ю. Па ідэі, калі яна працавала супраць нас, дык мусіла пра нешта практычнае пытацца. Але не пыталася.
Стала вядома, хто лётаў на Шры-Ланку разам з Анжалікай Мельнікавай і яе агентам
«Мельнікава не ўпісваецца ў вобраз закаханай дурнічкі». Пракоп'еў агучыў сваю версію
«Муж быў супраць таго, каб Анжаліка сустракалася з дзецьмі з іншым мужчынам». Аўтар расследавання пра Мельнікаву падзяліўся некаторымі дэталямі
Каханак Мельнікавай Аляксей Лабееў служыў у КДБ з 2019 года
Хрыста Грозеў: Мельнікава як мінімум год, а хутчэй за ўсё, паўтара перадавала інфармацыю беларускім спецслужбам
Аднакурснік пра каханка Мельнікавай: Лабееў яшчэ ва ўніверсітэце часам выкарыстоўваў псеўданім «Гардзееў»
«Магчыма, яна збегла ад каханка, ці ён яе забіў, ці яна ў Беларусі». Аўтар расследавання пра Анжаліку Мельнікаву
Каханак Анжалікі Мельнікавай — агент беларускіх спецслужбаў з пашпартам прыкрыцця
Цяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе14
Каментары
А ещё можно использовать гадание на картах таро, гороскопы и нумерологию. Инфа 💯