Ён пражыў 102 гады і быў дзядзькам экс-прэзідэнта Польшчы Аляксандра Квасьнеўскага.
18 ліпеня памёр польскі архітэктар беларускага паходжання Міхал Балаш.
Ён нарадзіўся 22 студзеня 1923 года ў Вільні ў сям'і настаўніка, праваслаўнага веравызнання. Яго бацькі мелі фальварак у Старым Двары ў Пастаўскім павеце
Бацька Міхала паходзіў з заможнай землеўладальніцкай сям’і, якая, аднак, фінансава пацярпела падчас Першай сусветнай вайны. Бацькі Міхала Балаша яшчэ да яго нараджэння пераехалі ў Вільню, дзе яго бацька стаў санітарным фельчарам у псіхіятрычнай бальніцы.
Міхал Балаш меў старэйшага брата Аляксандра і дзвюх малодшых сясцёр: Вераніку і Аляксандру (маці прэзідэнта Польшчы Аляксандра Квасьнеўскага).
Падчас Другой сусветнай вайны жыў у сям’і ў Прудніках-Ямках. Скончыў гімназію ў Паставах і працаваў бухгалтарам.
У 1944 годзе далучыўся да Арміі Краёвай. Затым быў прызваны ў Чырвоную Армію, аднак пасля адмовы прыняць прысягу быў інтэрнаваны і сасланы пад Разань. Вызвалены ў 1946 годзе, з’ехаў у Польшчу, куды раней прыехала астатняя яго сям’я.
Ступень бакалаўра атрымаў у Познані. Магістратуру скончыў у Гданьскай палітэхніцы, дзе атрымаў тытул магістра інжынера архітэктуры.
У 1954 годзе атрымаў пасаду гарадскога архітэктара ў Беластоку. Яго сувязі з сакральнай архітэктурай пачаліся з рамонту царквы св. Мікалая (сёння — сабора).
Спачатку праектаваў пераважна праваслаўныя цэрквы на Падляшшы, але з цягам часу яму даручалі таксама праекты каталіцкіх храмаў.
У 80-я гады яму даручылі завяршэнне праекта рэканструкцыі царквы манастыра ў Супраслі.
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары