Афіцыйны прадстаўнік Белага дома пацвердзіў, што Трамп гатовы сустрэцца як з Пуціным, так і з Зяленскім. Прэс-сакратарка Трампа Кэралайн Лівіт паведаміла, што ініцыятыва сустрэчы паходзіла з боку Расіі.
«Расіяне выказалі жаданне сустрэцца з прэзідэнтам Трампам, і прэзідэнт адкрыты для сустрэч як з прэзідэнтам Пуціным, так і з прэзідэнтам Зяленскім. Прэзідэнт Трамп хоча, каб гэтая жорсткая вайна скончылася», — заявіла прэс-сакратарка Белага дома Кэралайн Лівіт.
Паводле інфармацыі тэлеканала Fox News, Трамп спачатку хоча правесці асабістую сустрэчу з Пуціным, а потым ужо далучыцца да размовы з удзелам Зяленскага.
«Я толькі што быў у Заходнім крыле, і мне сказалі, што Пуцін сапраўды мае намер сустрэцца з Трампам, прэзідэнт ЗША адкрыты да такой сустрэчы. Раней сёння ў Маскве Уладзімір Пуцін паведаміў Стыву Уіткафу, што ён хоча ў нейкі момант сустрэцца з Трампам. Затым Уіткаф перадаў гэтае паведамленне прэзідэнту Трампу, які адкрыты для гэтага, аб магчымасці сустрэчы ўжо на наступным тыдні, калі вынікам гэтай сустрэчы стане спыненне вайны ва Украіне», — паведаміў карэспандэнт Fox News Пітэр Дусі.
Раней пасля перамоў з Дональдам Трампам, які перадаў яму змест сустрэчы спецыяльнага прадстаўніка Стыва Уіткафа з Пуціным, прэзідэнт Украіны Уладзімір Зяленскі адзначыў: «Падобна, што Расія цяпер больш настроеная на спыненне агню. Ціск на іх працуе».
Аднак жа, паводле меркавання адной з крыніц тэлеканала CNN, арганізаваць сустрэчу ўжо на наступным тыдні, як гэта заяўляецца, будзе няпроста:
«Рэалізаваць гэтую сустрэчу ў такія тэрміны будзе, верагодна, складана, з прычыны неабходнасці правядзення перамоў, а таксама лагістычных перашкод».
Сустрэча Уіткафа з Пуціным была больш прадуктыўнай, чым чакалася. Трамп неадкладна сазваніўся з Зяленскім і лідарамі Еўропы
«Вайна павінна завяршыцца. І гэта павінна быць сумленнае завяршэнне». Зяленскі расказаў пра размову з Трампам
Трамп заявіў пра прагрэс падчас сустрэчы Уіткафа з Пуціным
Стала вядома, якім можа быць «лёгкі першы крок» Трампа, калі Расія праігнаруе ягоны ультыматум
Цяпер чытаюць
Чым цяпер жыве Ксенія Волкава з «Апошняга героя»? Чвэрць стагоддзя таму гэтая беларуска трапіла на трапічны востраў3
Каментары