Агент беларускага паўабаронцы Рамана Пасевіча Руслан Даўбенка расказаў, што футбаліст, які цяпер належыць «Сочы», перайшоў у славенскую «Муру» ў арэнду з правам выкупу.
«З «Мурай» дапамог мой партнёр, агент Дзяніс Лапаеў — у яго ў жаночай камандзе гэтага клуба выступаюць тры падапечныя. Дзяніс прадставіў Рому селекцыйнаму аддзелу, кіраўніцтву клуба і галоўнаму трэнераму [Івану Куртушычу]. Пазней яны паразмаўлялі асабіста, усе засталіся задаволеныя, і ўсе пытанні былі вырашаны. Рома перайшоў у арэнду на сезон з правам выкупу. Пры гэтым, паводле пагаднення, «Сочы» могуць адклікаць яго з арэнды. Што тычыцца Ромы, цяпер яго галоўная мэта — патрапіць у зборную Беларусі», — прыводзіць словы Даўбенкі ў сваім тэлеграм-канале журналіст Тарас Шчыры.
У вышэйшых дывізіёнах у Еўропе беларусы гуляюць у Балгарыі (два чалавекі), Босніі і Герцагавіне (1), Грэцыі (1), на Кіпры (1), Партугаліі (1), Польшчы (2), Сербіі (1).
Што да краін былога СССР, то найбольшая дыяспара ў вышэйшым дывізіёне Казахстана (15), у Расіі (8), Кыргызстане (8). Малдова (3), Літва (2), Грузія (1), Арменія (1).
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць50
Каментары