Ahient biełaruskaha paŭabaroncy Ramana Pasieviča Rusłan Daŭbienka raskazaŭ, što futbalist, jaki ciapier naležyć «Sočy», pierajšoŭ u słavienskuju «Muru» ŭ arendu z pravam vykupu.
«Z «Muraj» dapamoh moj partnior, ahient Dzianis Łapajeŭ — u jaho ŭ žanočaj kamandzie hetaha kłuba vystupajuć try padapiečnyja. Dzianis pradstaviŭ Romu sielekcyjnamu adździełu, kiraŭnictvu kłuba i hałoŭnamu trenieramu [Ivanu Kurtušyču]. Paźniej jany parazmaŭlali asabista, usie zastalisia zadavolenyja, i ŭsie pytańni byli vyrašany. Roma pierajšoŭ u arendu na siezon z pravam vykupu. Pry hetym, pavodle pahadnieńnia, «Sočy» mohuć adklikać jaho z arendy. Što tyčycca Romy, ciapier jaho hałoŭnaja meta — patrapić u zbornuju Biełarusi», — pryvodzić słovy Daŭbienki ŭ svaim telehram-kanale žurnalist Taras Ščyry.
U vyšejšych dyvizijonach u Jeŭropie biełarusy hulajuć u Bałharyi (dva čałavieki), Bośnii i Hiercahavinie (1), Hrecyi (1), na Kipry (1), Partuhalii (1), Polščy (2), Sierbii (1).
Što da krain byłoha SSSR, to najbolšaja dyjaspara ŭ vyšejšym dyvizijonie Kazachstana (15), u Rasii (8), Kyrhyzstanie (8). Małdova (3), Litva (2), Hruzija (1), Armienija (1).
-
«Kryva pakuryŭ». Alimpijskaha čempijona Aramnava zatrymali, źbili i adpuścili ź IČU z kryminałkaj
-
«Nioman» prajhraŭ farerskamu «Kłakśviku» ŭ pieršym matčy treciaha raŭndu Lihi kanfierencyj
-
Futbalist pierajšoŭ u «Homiel», kab zarabić. Ale praź piać dzion jaho zvolnili — z-za majki z nadpisam F*ck Gomel
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu27
Kamientary