У Брэсце затрымалі кур’ера махляроў, які хацеў уцячы з грашыма. Яго здалі самі наймальнікі
У Брэсце міліцыя затрымала 23-гадовага іншаземца, які працаваў кур’ерам у тэлефонных махляроў. Ён павінен быў забраць грошы ў пенсіянеркі і перадаць іх ашуканцам, але замест гэтага вырашыў прысвоіць грошы сабе і збегчы з імі.
Як паведамляе Следчы камітэт, пенсіянерцы патэлефанаваў нібыта супрацоўнік фінансавай міліцыі і пераканаў яе, што трэба задэклараваць ашчаджэнні. Жанчына паверыла і аддала кур’еру больш за 17 тысяч даляраў.
Пазней высветлілася, што самі махляры «здалі» свайго кур’ера — даслалі пацярпелай фота яго пашпарта, папярэдзіўшы пра махлярства. Так яны, верагодна, хацелі пакараць кур’ера за тое, што той вырашыў пакінуць грошы сабе.
У дачыненні да затрыманага кур'ера заведзена крымінальная справа за махлярства ў асабліва буйным памеры (ч.4 арт. 209 КК Беларусі), ён знаходзіцца пад вартай.
СК нагадаў, што «праца» кур’ерам у махляроў можа прывесці да 12 гадоў пазбаўлення волі, бо злачынцы часта выкарыстоўваюць такіх людзей як расходны матэрыял. Цяпер працягваюцца следчыя дзеянні для выяўлення арганізатараў схемы.
У ЗША арыштавалі жанчыну, якая прыкідвалася медсястрой. Яна аказала дапамогу тысячам пацыентаў
Міліцыя заклікала жыхароў Маладзечаншчыны быць пільнымі з грашыма, бо ёсць шмат фальшывак
Школьнік у Мінску спалохаўся махляроў і вынес усе грошы з дома
Махляры актывізуюць фэйкавыя тэлеграм-боты пад выглядам банкаўскіх акаўнтаў
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2222
Каментары