«Гэта паклёп!» Меланія Трамп збіраецца ў суд супраць Хантэра Байдэна з іскам на $1 млрд
Меланія Трамп абвінаваціла Хантэра Байдэна ў распаўсюджванні паклёпу і прыгразіла падаць на яго ў суд на суму больш за 1 млрд долараў. Прычынай стаў ягонае інтэрв’ю, дзе ён заявіў, што з будучым мужам Дональдам Трампам Меланію пазнаёміў фінансіст Джефры Эпштэйн.
Эпштэйн, вядомы сувязямі з зорнымі асобамі і абвінавачаны ў злачынствах сексуальнага характару, скончыў жыццё самагубствам у турме ў 2019 годзе. Дональд Трамп прызнаваў, што быў яго сябрам, але сцвярджаў, што яны пасварыліся ў пачатку 2000-х.
Адвакаты Меланіі ў афіцыйным лісце, апублікаваным Fox News, назвалі словы Байдэна «ілжывымі, паклёпніцкімі і правакацыйнымі» і запатрабавалі іх публічнага абвяржэння і прабачэння. Паводле іх, гэтыя выказванні нанеслі першай лэдзі «вялізную фінансавую і рэпутацыйную шкоду».
У лісце таксама адзначаецца, што Байдэн спасылаўся на артыкул журналіста Майкла Вулфа, які ўжо быў выдалены з The Daily Beast пасля скаргі юрыстаў Меланіі і публічных прабачэнняў рэдакцыі. На сёння няма ніякіх доказаў, што Меланію і Трампа пазнаёміў Эпштэйн. Паводле Harper's Bazaar, іх сустрэча адбылася ў лістападзе 1998 года на вечарыне, арганізаванай уладальнікам мадэльнага агенцтва.
Сітуацыя разгарнулася на фоне палітычнага ціску на Белы дом з патрабаваннем апублікаваць так званыя «дакументы Эпштэйнa». Раней Трамп абяцаў гэта зрабіць у выпадку вяртання на пасаду прэзідэнта, але ў ліпені 2025 года ФБР і Мінюст ЗША заявілі, што не існуе ніякага кампраматнага «спісу кліентаў» фінансіста.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары