З кастрычніка ЗАТ «Сталічнае тэлебачанне» плануе старт тэставага вяшчання новага тэлеканала пад назвай «Спорт ТВ». Як заяўляе кампанія, рашэнне пра вывад спартыўнага кантэнту ў асобны канал прынята «з мэтай больш якаснай і мэтанакіраванай падачы спартыўных трансляцый».
Як тлумачаць на канале, апошнія месяцы СТВ транслявала буйныя міжнародныя падзеі — чэмпіянат Еўропы па футболе (EURO-2024), гульні Лігі нацый УЕФА, адборачныя сустрэчы да Еўра, а таксама паядынкі Лігі канферэнцый. Аднак, паводле афіцыйнага тлумачэння, агульная праграмная канцэпцыя тэлеканала СТВ не прадугледжвае сталай прысутнасці спартыўнага кантэнту, што і падштурхнула да запуску новага праекта.
Як паведамляецца, «Спорт ТВ» будзе трансляваць «вядучыя міжнародныя турніры» і «найбольш значныя і цікавыя падзеі айчыннага спорту».
Канал плануецца распаўсюджваць праз кабельных аператараў па ўсёй Беларусі.
Свой спартыўны канал «Беларусь 5» мае ўжо Белтэлерадыёкампанія.
Пры гэтым пасля пачатку расійскай агрэсіі супраць Украіны ў 2022 годзе беларускія спартсмены былі адхіленыя ад большасці міжнародных спаборніцтваў праз падтрымку Беларуссю ўварвання. Многія федэрацыі забаранілі ўдзел беларусаў, хоць асобныя спартоўцы могуць выступаць пад «нейтральным статусам» пры ўмове, што не падтрымліваюць вайну.
Цяпер чытаюць
«Больш за 10 чалавек выехалі ў Еўропу — і гэта толькі з майго аддзялення». Рэаніматолаг з райцэнтра шчыра апісаў будні беларускай медыцыны4
Каментары