У аэрапорце Алматы падчас транзітнай перасадкі затрымалі расійскую актывістку, ёй пагражае экстрадыцыя ў Расію
У аэрапорце Алматы 31 жніўня падчас перасадкі затрымалі расійскую актывістку Юлію Емяльянаву, ёй пагражае экстрадыцыя ў Расію. Першым пра яе затрыманне паведаміла казахскае выданне Orda, гэтую інфармацыю пацвердзілі «Антываенны камітэт Расіі» і праваабарончы праект «Каўчэг», піша «Настоящее время».
У Расіі дзяўчыну абвясцілі ў вышук па крымінальнай справе аб крадзяжы (ч. 2 арт. 158 КК), якая была распачатая ў сярэдзіне верасня 2021 года. Паводле версіі следства, Емяльянава нібыта скрала тэлефон у таксіста. Пры гэтым сам тэлефон ёй паказалі толькі ў кабінеце аддзялення паліцыі — у яе дома яго не канфіскавалі. Пазней яна выехала з Расіі ў Грузію.
Праваабаронцы мяркуюць, што сілавікі сфабрыкавалі справу супраць яе.
Юлія Емяльянава — актывістка штабоў Навальнага, праектаў Emigration for Action і Just Help. Яна таксама дапамагала расійскім палітвязням.
Бульба-фітнэс: беларусы паказваюць у сацыяльных сетках, колькі бульбы выкапалі сёлета4
Каментары