На стварэнне расійскай альтэрнатывы Вікіпедыі патрацілі $25 мільёнаў, а на ліквідацыю патрацяць яшчэ амаль $4 мільёны
Праект «Вялікая расійская энцыклапедыя», на які было выдаткавана амаль 2 мільярды рублёў (каля 25 мільёнаў даляраў), вырашылі закрыць, піша The Moscow Times.
Расійскі ўрад выдзеліў больш за 303 мільёны рублёў (каля 3,7 мільёна даляраў) на ліквідацыю арганізацыі, пакрыццё запазычанасці па заробках, выплату дапамог пры звальненні супрацоўнікаў і іншыя фінансавыя абавязкі. Міністэрству лічбавога развіцця даручана кантраляваць выкарыстанне гэтых сродкаў і падаць справаздачу да 1 сакавіка 2026 года.
Праект быў створаны па ініцыятыве прэзідэнта Расіі Уладзіміра Пуціна, які ў 2019 годзе спадзяваўся, што энцыклапедыя можа стаць расійскім аналагам Вікіпедыі. Жартам праект называлі «забойцам Вікіпедыі». Спачатку планавалася завяршыць стварэнне гэтай энцыклапедыі ў 2022 годзе, але гэта не атрымалася, і запуск перанеслі на 2023 год.
Фінансаванне адбывалася праз Міністэрства культуры, што ўплывала на змест рэсурсу: напрыклад, у ім адсутнічалі біяграфіі некаторых палітыкаў, у тым ліку Пуціна. Шмат матэрыялаў было ўзята з «Вялікай савецкай энцыклапедыі», таму некаторыя артыкулы састарэлі.
Вясной 2024 года супрацоўнікі паведамілі, што ім не плацяць заробкі са снежня 2023 года. Гэта пацвердзіў адказны рэдактар Сяргей Кравец. А ў сярэдзіне чэрвеня мінулага года абнаўленні сайта цалкам спыніліся.
У ліпені 2024 года кіраўніцтва «Вялікай расійскай энцыклапедыі» афіцыйна абвясціла пра закрыццё партала, бо дзяржава спыніла яго фінансаванне. Крыніца выдання The Insider адзначае, што ўлады вырашылі не траціць далей бюджэтныя грошы на гэты дарагі праект.
Восенню 2024 года ўрад пачаў працэдуру ліквідацыі арганізацыі, а сабраныя матэрыялы вырашылі перадаць інтэрнэт-энцыклапедыі «Рувікі».
У міліцэйскім конкурсе прыгажосці перамагла амапаўка, якая ў 2020 годе разганяла пратэсты49
Каментары