У гэты час у Нью-Ёрку павінна адбыцца Генасамблея ААН, у якой прымуць удзел абодва лідары.
— Ён [Трамп] будзе працягваць спрабаваць [дасягнуць міру ў вайне Расіі супраць Украіны]. Калі мір магчымы, ён хоча яго дасягнуць, — сказаў дзяржаўны сакратар ЗША Марка Рубіа. — У нейкі момант прэзідэнт можа прыйсці да высновы, што гэта немагчыма. Ён яшчэ не прыйшоў да гэтага, але можа прыйсці.
Напярэдадні Трамп заявіў, што лічыць амаль немагчымай хуткую сустрэчу прэзідэнтаў Расіі і Украіны тэт-а-тэт, таму што, на думку прэзідэнта ЗША, яны «настолькі ненавідзяць адзін аднаго, што амаль не могуць размаўляць».
Крэмль таксама прызнаў, што перамовы дзвюх краін «пастаўлены на паўзу».
Трамп шмат разоў пагражаў увесці супраць Расіі новыя санкцыі пры адсутнасці прагрэсу ў дасягненні перамір’я, але так гэтага і не зрабіў.
Каментары