Набіраюць людзей на курс італьянскай мовы. Выкладаць будзе і Дуліна
Былая палітзняволеная Наталля Дуліна ў чэрвені 2025 года выйшла на волю і была дэпартаваная ў Літву. У Беларусі яна працавала дацэнтам кафедры італьянскай мовы Лінгвістычнага ўніверсітэта.
Асацыяцыя «Талака» запускае анлайн-курсы па італьянскай мове для беларусаў.
Фарміруюцца групы для дарослых на ўзроўні А2, В1, у іх удзел будзе бясплатны! Імаверна, будзе яшчэ набор на С1 — за невялікую плату.
Гэты курс найперш прызначаны для беларусаў, што маюць статус уцекача, міжнародную абарону або толькі падалі дакументы на атрыманне, і пацярпелі ад палітычных рэпрэсій у Беларусі.
Прыярытэт будзе аддадзены прадстаўнікам гэтых катэгорый. Пры ўмове свабодных месцаў на курсы могуць трапіць і іншыя асобы.
Адна з выкладчыц будзе Наталля Дуліна — яна выкладае італьянскую амаль 30 гадоў. Працавала дацэнтам кафедры італьянскай мовы Лінгвістычнага ўніверсітэта.
Зарэгістравацца на курс можна тут.
Каментары