Выхавацельку сталічнага дзіцячага садка, спецыялістку па дэфекталогіі, асудзілі за пратэсты
Таццяна Крыклеўская займалася дзеткамі з парушэннямі маўлення і апорна-рухальнага апарату.
Таццяне Крыклеўскай 45 гадоў. Родам яна са Слуцка. У 2009 годзе скончыла Беларускі дзяржаўны педагагічны ўніверсітэт на настаўніка інклюзіўнай адукацыі.
Крыклеўская працавала настаўнікам-дэфектолагам у мінскім дзіцячым садку №549. Тут ёсць групы для дзетак з парушэннямі маўлення і апорна-рухальнага апарату.
Жанчына пісала артыкулы для сайта садка — напрыклад, пра тое, як дапамагчы дзіцяці, якое доўга не размаўляе, пачаць размаўляць.
Таццяна аматарка падарожнічаць і гатаваць. У яе сацсетках шмат фота рэцэптаў і страў, якія яна гатавала для родных і сяброў.
Жанчыну асудзілі ў 2025 годзе па абвінавачанні ва ўдзеле ў пратэстах (частка 1 артыкула 342 Крымінальнага кодэкса). Яна трапіла ў апошні вагон тых, каго паспелі асудзіць да сканчэння тэрмінаў прыцягнення да адказнасці.
Таццяне прысудзілі хатнюю хімію.
«Наша Нiва» — бастыён беларушчыны
ПАДТРЫМАЦЬ
Каментары