У Новалукомлі адкрылі рыбны кансервавы завод. Кажуць, аналагаў прадукцыі ў Беларусі няма
У Чашніцкім раёне адкрылі Лукомльскі кансервавы завод, дзе збіраюцца вырабляць, па заявах кіраўніцтва, рыбную прадукцыю высокай якасці.
Многафункцыянальны кансервавы завод арыентаваны на перапрацоўку прэснаводнай і марской рыбы, а таксама морапрадуктаў.
На пачатковым этапе на заводзе плануюць перапрацоўваць каля 70 т сыравіны ў месяц, а затым вытворчыя магутнасці разлічваюць нарасціць, піша Белта. На прадпрыемстве створаны 44 рабочыя месцы, у перспектыве колькасць персаналу ўзрасце да 70 чалавек. Агульны кошт праекта склаў больш за Br18 млн, уключаючы каля Br13,5 млн крэдытных сродкаў.
Як адзначыў намеснік дырэктара Лукомльскага кансервавага завода Мікалай Шабуня, асноўным кірункам працы завода стане выпуск высокаякаснай прадукцыі з айчыннай сыравіны.
Прадпрыемства ўзяло ў арэнду возера Лукомльскае, дзе праводзіць зарыбленне. У год тут будуць здабываць да 50 т рыбы.
Акрамя таго, для прыцягнення турыстаў за кошт прадпрыемства абсталяваны месцы для адпачынку і рыбалкі і ўстаноўлены 60 альтанак на беразе вадаёма.
Марскую рыбу заводу будзе пастаўляць расійскі партнёр, у якога ёсць свой флот, а здабыча сыравіны, напрыклад, ласося, вядзецца на Камчатцы ў экалагічна чыстым раёне. Намеснік дырэктара прадпрыемства адзначыў, што аналагаў прадукцыі Лукомльскага кансервавага завода на прасторах Беларусі няма.
Мікалай Шабуня расказаў, што асноўным рынкам збыту прадукцыі стане ўнутраны рынак, таксама рыбныя кансервы будуць пастаўляцца ў краіны ЕАЭС.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»31
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары