Дзяржава запусціла сэрвіс, які вызначае рынкавы кошт кватэр у Мінску. Праверце сваю
Нацыянальнае кадастравае агенцтва запусціла сэрвіс аўтаматычнай ацэнкі рынкавага кошту кватэр Мінска. Ён заснаваны на тэхналогіях штучнага інтэлекту.
Сэрвіс прызначаны дапамагчы пакупнікам і прадаўцам, а таксама прафесійным удзельнікам рынку нерухомасці за некалькі хвілін атрымаць аўтаматычную ацэнку кватэры, заснаваную не на суб’ектыўных меркаваннях, а на аналізе рэальных цэн здзелак і фактараў ацэнкі на аснове даных дзяржаўнага інфармацыйнага рэсурсу — рэестра цэн.
У якасці зыходных даных аб цэнах продажу былі выкарыстаны 90 тысяч здзелак куплі-продажу кватэр у Мінску з 2018 года, паведамляе Нацыянальнае кадастравае агенцтва.
У якасці фактараў ацэнкі выкарыстана больш за 15 характарыстык, уключаючы інфармацыю аб здзелцы (дата), характарыстыкі кватэры (колькасць пакояў, агульная плошча, матэрыял сцен, дата ўводу, стан кватэры) і лакалізацыі (месцазнаходжанне, мікрараён, даступнасць метро, прыпынкаў грамадскага транспарту, парку, размяшчэнне ў санітарна-ахоўнай зоне).
Цяпер чытаюць
У Пецярбургу затрымалі коміка з Пінска. Ён тры гады хаваўся пасля прысуду за жарт пра міліцыянтку4
Каментары
[Зрэдагавана]