Чарнобыльская атамная электрастанцыя працягвае атрымліваць электразабеспячэнне ад аб’яднанай энергасістэмы Украіны, нягледзячы на начную атаку на энергетычныя аб’екты. Пра гэта паведаміла Міністэрства энергетыкі Украіны.
У ноч на 20 студзеня 2026 года расійскія войскі нанеслі маштабны ракетна-дронавы ўдар па энергетычнай інфраструктуры, у тым ліку па вузлах, якія забяспечваюць электрычнасцю аб’екты ў зоне адчужэння Чарнобыля.
Дзякуючы аператыўнай і зладжанай працы энергетычных службаў усе аб’екты ДСП «Чарнобыльская АЭС», уключаючы Новы бяспечны канфайнмент і сховішчы адпрацаванага ядзернага паліва, цяпер стабільна працуюць у штатным рэжыме, паведамляе ўкраінскае Мінэнерга.
Радыяцыйны фон як на тэрыторыі станцыі, так і ў зоне адчужэння застаецца ў межах нормы. Станцыя мае дастатковы запас паліва і гатовыя рэзервовыя крыніцы электразабеспячэння на выпадак новых нападаў.
На гэты момант пагрозы для насельніцтва і навакольнага асяроддзя няма. Персанал АЭС і энергетычныя службы працягваюць узмоцнены кантроль за сітуацыяй.
Раней Міжнароднае агенцтва атамнай энергіі (МАГАТЭ) паведамляла, што Чарнобыльская атамная станцыя цалкам страціла сувязь са знешняй электрасеткай з-за маштабнага абстрэлу.
Чарнобыльская АЭС засталася без знешняга сілкавання пасля расійскай атакі
Расія і Украіна дамовіліся пра лакальнае перамір'е каля Запарожскай АЭС
На Чарнобыльскай АЭС папярэдзілі, што абарончы саркафаг можа не вытрымаць новага расійскага ўдару
МАГАТЭ: Саркафаг на Чарнобыльскай АЭС пасля ўдару беспілотніка страціў асноўныя функцыі бяспекі
У Чарнобылі знайшлі незвычайны чорны грыб, які сілкуецца радыяцыяй
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары