Ці ёсць сувязь паміж бабрамі і кажанамі? Аказваецца, самая непасрэдная
Бабры — сапраўдныя інжынеры экасістэм, якія змяняюць мясцовасць вакол сябе і дапамагаюць не толькі рыбам і птушкам, але і кажанам. Раней было вядома, што бабры станоўча ўплываюць на кажаноў, але прычыны гэтага заставаліся няяснымі. Цяпер навукоўцы разгадалі гэтую загадку, піша «Дзікая прырода побач».
Нядаўняе даследаванне ў Швейцарыі паказала: там, дзе жывуць бабры, павялічваецца і колькасць кажаноў, іх актыўнасць і эфектыўнасць пошуку ежы ў параўнанні з тэрыторыямі без баброў.
Бабры ствараюць сажалкі, вакол якіх з'яўляецца больш мёртвага дрэвастою — гэта дае шмат прытулку і ежы для насякомых, а значыць, і для кажаноў, якія жывяцца імі.
У такіх мясцінах адзначана таксама павелічэнне колькасці відаў кажаноў, у тым ліку і рэдкіх.
Вяртанне рачных баброў у Еўропе прынесла вялікую карысць многім відам жывёл і раслін, як водным, так і наземным.
Дзейнасць баброў дапамагае аднаўляць водна-балотныя ўгоддзі і павялічваць біяразнастайнасць. Яны — найлепшыя саюзнікі ў справе аднаўлення прыродных экасістэм.
Навуковец назваў два раёны Мінска, якія аблюбавалі кажаны
У Мінску і вобласці заўважылі нашэсце баброў
У цэнтры Гродна пасяліўся бабёр ВІДЭА
У Чэхіі бабры за ноч пабудавалі плаціну там, дзе яе ўзвядзенне доўга не маглі ўзгадніць чыноўнікі
Суд у ЗША разглядае справу аб бабрысе, якая не хоча жыць у дзікай прыродзе
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары