Развіваецца і абрастае новымі фігурантамі крымінальная «справа Софтклуба», цэнтральная фігура якой — патрыярх беларускага ІТ Уладзімір Сіротка. Органы пачалі рэйды па банках у пошуку яго падзельнікаў і ўжо арыштавалі кіраўнікоў прынамсі аднаго прыватнага банка.
Як стала вядома «Нашай Ніве», у рамках расследавання крымінальных справаў супраць Уладзіміра Сіроткі і іншых менеджараў «Софтклуба» (у тым ліку сына Сіроткі), Дэпартамент фінансавых расследаванняў правёў вобшукі ў кіраўнікоў прыватнага Цэптар Банка і арыштаваў старшыню праўлення банка Аляксандра Ігнатава, а таксама аднаго з ягоных намеснікаў. У чым сэнс прэтэнзій да гэтых людзей, пакуль невядома.
Арышты адбыліся ў пачатку тыдня. Аляксандр Ігнатаў апошні раз быў у мэсэнджарах 26 кастрычніка.
Цэптар Банк — гэта невялікі камерцыйны банк. Ён належыць швейцарскаму холдынгу. На канец верасня 2025‑на на рахунках Цэптара ляжала 103 мільёны рублёў кліентаў, агулам на балансе банка — 168 мільёнаў рублёў. Тры кварталы гэтага года банк скончыў з 4 мільёнамі рублёў прыбытку.
Аляксандр Ігнатаў узначальвае яго з 2023 года, да таго працаваў у Трастбанку, Франсабанку і Статусбанку, кар'еру пачынаў у Нацбанку.
Кіраўніцтва «Софтклуба» абвінавачваюць, як стала вядома «Нашай Ніве», ва ўхіленні ад падаткаў і дачы хабару.
Крыніцы «Нашай Нівы» кажуць пра «цяжкія настроі» ў іншых камерцыйных і дзяржаўных банках, якія былі кліентамі «Софтклуба» — вядучага пастаўшчыка рашэнняў для банкаў на ўнутраным рынку. Цыркулююць чуткі пра затрыманне і іншых банкіраў, але нам пакуль не ўдалося пацвердзіць іх з іншых крыніц.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары