Грамадства 14 14

Nashaniva.com

27.10.2025 / 17:02

Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП

Як стала вядома «Нашай Ніве», на мінулым тыдні «знік» шэраг топ-менеджараў буйной ІТ-кампаніі SoftClub, а таксама яе заснавальнік Уладзімір Сіротка. Кампанія ў асноўным спецыялізуецца на праграмным забеспячэнні для банкаў і фінансавых сэрвісаў.

Да Уладзіміра Сіроткі немагчыма дазваніцца. У месенджарах апошні раз ён быў анлайн у чацвер, 23 кастрычніка. На працы, як вядома «Нашай Ніве», ён таксама не з'яўляецца, як і шэраг іншых менеджараў. Супрацоўнікам давялі, што начальства масава на бальнічных.

Кампанія SoftClub заснавана ў 1993 годзе і з'яўляецца адным з беларускіх ІТ-гігантаў. У ТАА «Софтклуб» і ТАА «Софтклуб цэнтра распрацоўкі» станам на 2025 год сумарна працуюць 622 чалавекі, у ранейшых інтэрв'ю Сіротка казаў пра 1000 супрацоўнікаў па ўсім свеце.

Выручка дзвюх кампаній па выніках 2024 года — 105,4 мільёна рублёў.

У асноўным кампанія аказвае паслугі банкам — як дзяржаўным, так і прыватным, — і бізнэсу, кампанія мае буйныя кантракты з дзяржавай.

Самая знакамітая распрацоўка — АІС «Разлік» (АРІП), праз якую фізічныя і юрыдычныя асобы могуць рабіць аплаты і выстаўляць рахункі.

У апошнія годы SoftClub таксама пайшоў у сферу крыптавалют, заснаваўшы біржу Bynex.

Суразмоўцы «Нашай Нівы» звязваюць сэнс прэтэнзій з падатковымі пытаннямі і ўзятым курсам на барацьбу з вывадам капіталу.

@nashanivanews Вялікія арышты ў беларускім ІТ-сектары. Прычым гэтым разам затрымалі тых, каго раней не чапалі #нашаніва #беларусь #минск #беларусьновости #милициябеларуси ♬ оригинальный звук - Нашы Навіны

Вядома, што ў канцы 2024 года змянілася форма ўласнасці абедзвюх кампаній: мажарытарным акцыянерам стала казахская холдынгавая кампанія «Эссігруп кз лтд», на карысць якой выплачваліся дывідэнды.

Уладзімір Сіротка нарадзіўся ў 1960 годзе. Скончыў механіка-матэматычны факультэт БДУ. Некалькі год адпрацаваў у НДІ «Агат», распрацоўваючы праграмнае забеспячэнне для ваенна-прамысловага комплексу. У канцы 1993 года стаў дырэктарам кампаніі «Софтклуб».

Хобі Сіроткі — міні-футбол. Ён падтрымлівае каманду «Сталіца», якая год за годам перамагае ў чэмпіянаце Беларусі і ўдзельнічае ў Лізе чэмпіёнаў.

Уладзімір Сіротка. Фота: часопіс «Генеральны дырэктар»

Чытайце яшчэ

Каментары14

Джун-пралетарый

27.10.2025

Сіротка такі самы калябарант як Чыж, Япрынцаў, Шакуцін, Машэнскі. Не варта яго шкадаваць.
Skarbnik

27.10.2025

Падарылі? Жартуеце? Стваральнікі гэтага "дарунку" ўпарта ігнаравалі беларускую мову: маўляў, няма рэсурсаў... А яны яшчэ і дагэтуль сядзелі на тэрыторыі, падкантрольнай самі ведаеце каму...
Страіцелі пірамід

27.10.2025

Пайшлі ў падмацаванне сцяны, якую будавалі, каб крэпчэ стаяла! Страіцелі шатлага, невіноўныя ні ў чым, аказаліся ахвярамі рэжыма на які працавалі ўсё жыццё! Можа трэба зрабіць нейкія выснаўкі?

Цяпер чытаюць

Мацкевіч: Статкевіч маральна перамог, але ж мяне проста бесіць вось гэтая «маральная перамога»

«Няма доказаў» і «адпрацоўка блакады Калінінграда». Што пішуць афіцыйныя СМІ пра зонды і закрыццё мяжы

«Шары запускаюць і з аўтамабільных прычэпаў». Былы кантрабандыст тлумачыць, чаму цыгарэты ў Літву ўсё часцей перакідаюць на метэазондах

Расійскі спявак Акмаль трапіў у скандал у Казахстане2 2

МЗС Беларусі ўручыў Літве ноту ў сувязі з закрыццём мяжы1 1

Генадзь Фядыніч з матэрыялаў следства даведаўся, што за ім сачылі 17 гадоў і для гэтага нават ставілі жучкі праз адтуліну з паверха вышэй

Павук не паразумеўся з дыспетчаркай у літоўскім тралейбусным парку і трапіў у моўны скандал29 29