У Партугаліі адмяняюць абарону для беларусаў, якія выехалі з Украіны падчас вайны
У Партугаліі адмянілі часовы абарончы статус для некаторых грамадзян Беларусі, якія прыбылі ва Украіну пасля пачатку поўнамаштабнага ўварвання Расіі і атрымалі тут часовы прытулак. Паводле інфармацыі выдання SIC Notícias, гэтыя асобы павінны добраахвотна пакінуць Партугалію цягам 20 дзён, інакш іх могуць дэпартаваць, піша «Еўрапейская праўда».
Некаторыя беларусы расказваюць, што пакінулі Беларусь яшчэ ў 2020 годзе праз удзел у пратэстах супраць рэжыму Лукашэнкі і баяцца арыштаў і пераследу ў выпадку вяртання.
«Я апублікавала шмат паведамленняў у сацыяльных сетках у падтрымку Украіны і супраць дыктатуры Лукашэнкі. Нас могуць арыштаваць толькі за лайк пад публікацыяй. А я рабіла публікацыі», — сказала беларуска Таццяна.
Ва Упраўленні ў пытаннях інтэграцыі, міграцыі і прытулку Партугаліі (AIMA) патлумачылі, што любы чалавек з часовым статусам, дарослы ці непаўналетні, можа атрымаць загад аб добраахвотным выездзе. Адзначаны нават прыклад дзіцяці: 10‑гадовай дзяўчынцы, якая нарадзілася ў Расіі ў сям’і ўкраінскіх бацькоў, нядаўна скасавалі часовы прытулак. Паводле адваката сям’і, установа палічыла, што дзіця можа вярнуцца ў краіну паходжання, бо там няма канфлікту.
Хоць у Еўрасаюзе працягнутае дзеянне Дырэктывы аб часовым абарончым статусе для ўкраінцаў да 4 сакавіка 2027 года, некаторыя дзяржавы паступова адмяняюць гэты статус для іншых замежнікаў, якія прыбылі з Украіны.
«Першыя гады чатыры было класна». Сеньёр, ужо грамадзянін Аўстраліі, расказаў, як там з айцішкай і павукамі
Беларускія сыравары просяць дапамагчы ім выкупіць ферму ў Польшчы. Раней яны трымалі кароў і коз пад Браславам
Польшча рэзка скараціла выдачу міжнароднай абароны замежнікам, у тым ліку беларусам
Былая палітзняволеная з Беларусі трапіла ў зборную Польшчы па футболе сярод эмігрантаў
Цяпер чытаюць
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам6
Каментары