Адзін такі цытрусавы важыць менш за 20 грамаў.
Незвычайныя мандарыны заўважыў у мінскім «Еўраопце» на Дзяржынскага, 104 Blizko.by.
Іх галоўнае адрозненне ад звыклых нам цытрусавых — у памеры. Яны вельмі-вельмі маленькія. Гэты сорт мандарынаў называецца «Бэйбі». Прывезлі іх у Беларусь з Кітая. Кошт за кілаграм — 5,99 рубля.
Такім чынам, на кілаграм атрымаецца даволі вялікая іх колькасць.
Смакавыя якасці кітайскага цытруса вельмі блізкія да арыгіналу. Той жа самы цытрусавы пах і мандарынавы смак. Журналісты набылі сем мандарынаў «бэйбі», і там трапіліся розныя па смаку экземпляры: і кіславатыя, і салодкія. З плюсаў — адсутнасць костачак у гэтых міні-цытрусавых.
З мінусаў — даволі шмат белых «жылак», якія, дарэчы, называюцца «альбеда».
Ці змогуць такія маленькія мандарынкі замяніць на навагоднім стале цытрусавую «класіку» — пытанне адкрытае.
Цяпер чытаюць
«Дзед будзе глядзець асабіста. Калі яму спадабаецца…» Зянковіч расказаў, як з ім запісвалі першае інтэрв'ю ў СІЗА КДБ4
Каментары