У Мексіцы вайскоўцы забілі галоўнага наркабарона. У адказ яго хаўруснікі паляць самалёты і аўтобусы
Эль Менча дзесяцігоддзямі хаваўся пад абаронай сваіх баевікоў. Цяпер яго картэль чыніць беспарадкі на вуліцах Мексікі.
У Мексіцы забілі Эль Менча — аднаго з самых небяспечных наркабаронаў свету. Пра гэта паведамляе El País.
Рубен Немесіа Асегера (Эль Менча) — лідар картэля CJNG («Новае пакаленне Халіска»). Наркабарона ліквідавалі мексіканскія вайскоўцы.
Эль Менча забіты ў гарах Халіска. Ён дзесяцігоддзямі хаваўся пад абаронай сваіх баевікоў.
Падчас аперацыі чатыры ўдзельнікі картэля загінулі на месцы, а трое атрымалі цяжкія раненні і памерлі падчас транспарціроўкі паветрам у Мехіка. Сярод апошніх трох быў і Эль Менча. Улады канфіскавалі таксама рознае ўзбраенне, у тым ліку «ракетныя ўстаноўкі, здольныя збіваць самалёты і знішчаць браніраваную тэхніку».
Гэту падзею параўноўваюць па маштабах са зловам Эль Маё і Эль Чапа, якія сядзяць у турмах ЗША.
Пасля смерці Эль Менчы картэль пачаў блакаваць дарогі і падпальваць аўто па ўсёй краіне. Смерць наркабарона ставіць Мексіку ў сітуацыю няпэўнасці, улічваючы схільнасць крымінальных груп да міжусобных войнаў.
Ліквідацыя Эль Менчы, які быў прыярытэтнай цэллю і для ЗША, стала самым моцным ударам па наркагандлі ў найноўшай гісторыі краіны. Урад Дональда Трампа прапаноўваў да 15 мільёнаў даляраў за інфармацыю, якая дапамагла б у затрыманні наркабарона.
Эль Менча быў апошнім з пакалення наркагандляраў, якія, як Эль Чапа і Эль Маё, пачыналі свой шлях яшчэ ў мінулым стагоддзі, калі партыя PRI цалкам дамінавала ў Мексіцы, а крымінал падпарадкоўваўся афіцыйнай уладзе. З гадамі старыя альянсы зніклі, групоўкі фрагментаваліся і стварылі магутныя арміі, выкарыстоўваючы паток зброі з ЗША.
Цяпер на волі не засталося нікога з іх.
У адказ на ліквідацыю Эль Менча яго хаўруснікі перакрылі дарогі ў васьмі штатах краіны. Яны паляць аўтамабілі, аўтобусы і нават самалёты па мясцовых аэрадромах.
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»42
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары